Mungesa e infektologëve dhe motrave medicinale është problem në gjithë sistemin shëndetësor. Përderisa kapacitetet spitalore çdo ditë po mbushen me pacientë të infektuar me Kovid, konfirmim se shëndetësia ka mungesë të personelit mjekësor arriti edhe nga njeriu i parë i shëndetësisë, Venko Filipçe. Megjithatë sipas tij, mjafton që kuadri sigurohet sipas parimit të rotacionit.
“Në tërë territorin e shtetit ka problem me kuadro. Çdo spital duke i përfshirë edhe klinikat në Shkup, ballafaqohen me të njëjtin problem. Në repartet infektive që nga fillimi i krizës infektologët që në mbarë shtet janë 50 në numër nuk mund të ballafaqohen me numrin e madh të pacientëve”, theksoi Venko Filipçe – Ministër i Shëndetësië.
Problemi me mungesën e kuadrit është i përgjithshëm, vlerëson ministri Filipçe, njëkohësisht thotë se nuk është e nevojshme që të aktivizohen mjekët e pensionuar.
“Ende nuk ka nevojë që të angazhohen mjekë të pensionuar, disa vende e bëjnë edhe këtë gjë. Disa vende i kthejnë në punë madje edhe mjekët dhe infermieret që janë diagnostifikuar me kovid-19 por janë asimptomatikë ose janë në izolim, por ne tani për tani me këtë kuadër që e kemi në dispozicion arritëm të bëjmë sistem të rotacionit”, deklaroi ministri i Shëndetësisë, Venko FIlipçe.
Edhe pse sipas statistikave numrat e të infektuarve me Kovid-19 janë rritur, kryeministri Zaev është optimist. Beson se më e keqja shpejt do të kalojë.
“Edhe pse jemi në majë të valës më të fortë, besoj se do ta tejkalojmë shpejt. Për shkak se qytetarët, 90-95% i respektojnë masat që do të thotë se është e logjikshme që në periudhën e ardhshme mund të presim ulje të numrit të rasteve”, u shpreh Zoran Zaev – kryeministër.
Nuk ekzistojnë asnjëfarë pengesash financiare për angazhim shtesë të kuadrit mjekësor, theksoi Zaev, duke shtuar se mjete për pajisje dhe ekipim tashmë janë siguruar. Në këtë drejtim kryeministri gjatë vizitës së Spitalit të përgjithshëm në Strumicë realizoi donacion personal të automjetit të ndihmës së shpejtë për nevojat e spitalit.