Robotët, pjesë e stafit në restorante në Seville të Spanjës (VIDEO)

Shoku më i mirë i njeriut, qeni, kësaj radhe vjen në formë roboti, dhe u shërben klientëve në restorant.

Ky robot quhet Spot. Atë e ka krijuar kompania Boston Dynamics (Boston Dajnemiks) në partneritet me kompaninë me bazë në Spanjë, Macco Robotics.

Para pandemisë, robotët si ky ndonjëherë shfrytëzoheshin në Spanjë si mjet marketingu, për të tërhequr vëmendje në ngjarje të caktuara. Por tani u shërbejnë klientëve në bare në Seville, për të ndihmuar në parandalimin e përhapjes së COVID-19. Ideja është që të dërgohen birrat apo pijet tjera tek klientët, që të minimizohen kontaket në mes tyre.

Një klient mendon se në këtë periudhë pandemie është mirë që një robot të shërbejë me pije, që të mos ketë kontakte në mes njerëzve.

Derdhja në gotë e lëngut me masë të caktuar nuk është mënyrë aq e lehtë. Por këtë e kryen roboti i quajtur Cart, i cili është programuar për këtë punë. Dora robotike është e pajisur me lexues ekrani, që skanon ID (Aj Dinë) e klientit.

Klientët paguajnë në bar dhe kamerieri fillon punën e robotit nga largësia.

Tani vjen pyetja, athua a do të thotë kjo se në bar më nuk kanë nevojë të punojë stafi i përbërë prej njerëzve?

Një visitor ka thënë se është e vërtetë se këtu në Seville të Spanjës shërbehet më ndryshe, megjithatë kjo nuk u pëlqen sepse ata dëshirojnë të kenë kontakt me njerëz, që të shohin kamerierë njerëz, të ndjejnë afërsinë njerëzore, e jo tu shërbejnë robotët.

E Victor Martin, i cili është përgjegjës i kompanisë Macco Robotics në Sanjë ka thënë se robotët i shtojnë vlerën detyrave që kryejnë njerëzit, por nuk i zëvendësojnë ata. Sipas tij, po mundohen të përmirësojnë kualitetin e punës me shtim të forces nga ana e robotëve, dhe kjo është profesionale.

Martin mendon se gjeneratat e reja sot kërkojnë shërbime të tjera. Kështu ka ndodhur me disa shpikje, si psh me makinën për larjen e rrobave. Edhe atëherë kur u zbulua ajo, lindi pyetja se çfarë do të bënin gratë tani që makina do ti lante rrobat? Në fund të fundit, edhe me robotë po mundohen të përmirësojnë kualitetin e punës.

Martin ka thënë se robotët e tyre përgatisin birrat, koktejet, lëngjet, smuthit dhe kafetë. Ata jo vetëm që i përgatisin ato, por po ashtu i dërgojnë tek tavolina që ka porositur pije. Kjo mënyrë e punës mundëson që të përmirësohet kualiteti i punës, por edhe të ndihmohet që orari i punës të zgjatet në restorante, ka thënë ai.

Robotët siç është Spot, kohët e fundit janë të angazhuar në punë të ndryshme, si për punë me ushqime, për dërgesa në kompani, e po ashtu në kuzhina kolegjesh, në hotele e restorante.

Sa i përket kompanisë për prodhimin e robotëve, Macco Robotics, ajo u themelua në vitin 2013 në Seville. Tani për tani kanë katër robotë komercial. Sipas kësaj kompanie, roboti që funksionon në banak përgatitë pijen për 23 sekonda.

Për robotët e kompanisë Macco Robotics në Spanjë ka folur edhe përgjegjësi për teknologji, Kishhanth Renganathan i cili ka sqaruar se së shpejti do të mundohen të lidhin statusin e të ushqyerit të njerëzve me robotët.

Kjo do të thotë se çdo njeri mund të rregullojë mënyrën e të ushqyerit, t’i tregojë robotit se sa kalori dëshiron të marrë, dhe më pas roboti mund ti tregojë se çfarë ushimi mund të konsumojë.

Macco Robotics shpreson se do të zgjerojë shërbimet edhe në bujqësi. Kjo kompani është duke zhvilluar aplikacione të cilat masin temperaturën dhe lagështinë e lisave si dhe pjekjen e frutave./21Media