Në shtetin tonë janë parashtruar numër i madh i padive penale për larje parash, ndërsa një pjesë e tyre tashmë janë në proces gjyqësor – konfirmoi drejtori i Drejtorisë për kundërzbulim financiar, Bllazho Trendafilov. I përmendi lëndët e PPS dhe shprehi bindje se ata në të ardhmen do të dëshmohen dhe do të ketë aktvendime. A ekzistojnë lëndë të tjera për larje parash?
“Tani e përmendët rastin “Monako”, atje kemi ngrirë shuma më të mëdha… Ndërsa në rastin Perandoria? Në të gjithë lëndët kemi marrë pjesë. Ata lëndë tashmë janë në fazën e hetimit dhe prokurori është ai që mund të jap më shumë informacione”, deklaroi Bllazho Trendafilov – Drejtor i drejtorisë për kundërzbulim financiar.
Konfirmimi i larjes së parave është proces i ndërlikuar, thotë Trendafilov, duke shtuar se vendi ka platformë për këmbim të shpejtë të të dhënave për mjete të dyshuara financiare dhe për ngrirjen e tyre.
“Pjesa jonë është kundërzbulimi, por nëse i ndiqni lëndët, në të gjithë lëndët për larje parash ka marrë pjesë Drejtoria për kundërzbulim financiar”, potencoi deklaroi Bllazho Trendafilov – Drejtor i drejtorisë për kundërzbulim financiar.
Vërtetimi i terrorizmit financiar është edhe më i rëndë për shkak se, siç tha Trendafilov, në ato raste bëhet fjalë për shuma shumë të vogla të parave që është e vështirë të dëshmohet. Drejtori u lëvdua se shteti shumë mirë kuoton në këtë çështje. Në të ardhmen përmes projektit, Holanda do të trajnojë dhe do u ndihmojë të punësuarve në Drejtorinë për kundërzbulim financiar si të identifikojnë dhe pengojnë aktivitete financiare përmes valutës së kriptuar, ndërsa leksione kundër larjes së parave do të ketë edhe për shoqërinë e biznesit.