“Qengji të bëhet produkt strategjik”/Blegtorët kërkojnë eksport drejt vendeve të BE-së

Mitko Jankov nga fshati Oraovec i Velesit, gjithë jetën merret me blegtori. Thotë se edhe pse shpenzimet janë rritur për 100%, çmimi i qengjit mbetet i njëjtë.

“Situata te ne është për keqardhje. Nga njëra anë tregtarët, sepse çmimi i qengji në bursat botërore të mishin po rritet, kurse te ne nuk ndryshon. Ishte 160 denarë, nga fillimi i vitit të ri 200-210 denarë, pastaj ra dhe tani është 160 denarë”, tha Mitko Jankov, blegtor.

Thotë se çmimi po lëvizet në mënyrë artificiale, kurse blegtorë ka gjithnjë e më pak. Në nivel vjetor eksportohen 190 mijë qengja, më së shumti në Itali, Shqipëri dhe Bullgari.

“Çmimi aktual i qengjit bullgar është rreth 3 euro. Diçka më shumë për një qengj të gjallë që e blejnë nga blegtorët, kurse vijnë dhe e blejnë nga ne dhe na akuzojnë se ne qengjin e shesim lirë. Po ne nuk jemi ata që e caktojmë çmimin. Këtë e bëjnë tre njerëz në shtet, ata janë blerësit kryesorë”, pohoi Mitko Jankov, blegtor.  

Greqia dhe Bullgaria po përballen me mungesë, prandaj janë të detyruar të importojnë. Problemi paraqet dogana, pasi Maqedonia nuk është pjesë e BE-së, por edhe sëmundjet e bagëtive.

“Do t’i apeloja Agjencisë së Ushqimit dhe Veterinarisë (AUV) që të hiqen zonat e portokalltë dhe ato të kuqet, edhe pse mendoj se ato të kuqet nuk do t’i heqin dhe të fillojmë të eksportojmë në Evropë. Të mos i mbahemi tregut tradicional i cili e dimë se paraqet goditje edhe për çmimin, edhe për xhepin e blegtorëve”, tha Mitko Jankov, blegtor.   

Vangelina Parmaçka nga pjesa lindore e vendit, me blegtori merret që nga mosha më e re. Thotë se ka vazhduar me këtë edhe pas martesës, sepse në Maleshevë nuk ka pasur punë.  

“Familja, sikur një luftë për mbijetesë. Këtu e gjetëm zgjidhjen. Fillimisht nisëm me numër më të vogël, e pastaj arritëm deri në 500-600 dhen“, pohoi Vangelina Parmaçka, blegtore.

Kriza ekonomike nuk është problemi i vetëm. Ata përballen edhe me sfida klimatik.

“Domethënë ne jemi në Maleshevë, ku dimrat janë më të gjata, më të ftohta, kurse verat fillojnë të ndryshojë dhe të bëhen të thata. Kështu që, të ardhurat tona… nga viti në vit ne synojmë t’i rrisim të ardhurat, por për shkak të ndryshimeve klimatike dhe shpërnguljes së popullsisë, nuk kemi fuqi punëtore. Do të vazhdojmë të luftojmë edhe më tej”, deklaroi Vangelina Parmaçka, blegtore.

Shteti jep subvencione, por kjo nuk mjafton. Kërkojnë që qengji të bëhet produkt strategjik.

“Delja, njësoj si duhani të bëhet produkt strategjik i shtetit. Vetëm kështu mund ta mbajmë bagëtinë. Por, jemi të vetëdijshëm se nga viti në vit numri po ulet. Edhe pse tani sigurojnë se ka 630 mijë dele, unë pohoj se nuk ka më shumë se 400 mijë“, tha Mitko Jankov, blegtor.

Kafshët që i mbarështojnë Vangelina dhe Mitkoja janë të shtrenjta edhe për qytetarët…

-Siç duket, tani edhe për Pashkët çmimet do të jenë më të shtrenjta për 30-40%.

TV21: A është më shtrenjtë?

-Presim të jetë më e shtrenjtë, e kjo do të jetë 100% për vezët, mishin…

TV21: Si do t’i kaloni festat?

-Dhe kjo është e tepruar. 400 denarë për një kilogram mish, sa mund të blej? Një herë në muaj… Kjo është…

Mishi është i shtrenjtë edhe pse nuk është importuar. E në qoftë se kafshët mbarështohen në mënyrë organike, shteti do t’i rrisë subvencionet për blegtorët për 50%. Megjithatë, edhe përkundër kësaj, të rinjtë vështirë po vendosin që të merren me këtë degë të bujqësisë.