Hoxha: Bdi 10 vjet premton autostrada! Osmani: Këto ditë fillojnë punët për autostradën Shkup-Bllacë

Punimet për autostradën Shkup-Bllace assesi të nisin. Ka vite që flitet për këtë projekt, ndërsa afatet e premtuara disa herë janë shkelur.

Arjanit Hoxha nga Lëvizja Besa,  akuzoi BDI-në se 10 vjet, në çdo fushatë zgjedhore promovon projekte  të autostradave dhe nuk realizon asgjë.

“Unë do ua përmendi tre projekte që janë së paku 10 vite në programin tuaj dhe nuk janë realizuar. Rruga Shkup-Bllacë, rruga e Arbrit që Shqipëria e mbaroi ka arritur deri në Dibër, ndërsa ju ende nuk keni studim fezibiliti se ku duhet të shkoj dhe rruga Tetovë-Jazhincë që lidhet me Kosovën e cila për fat të keq është përmend edhe në bombat e atëhershme”, tha Arjanit Hoxha, Levizje Besa.

Hoxha gjithashtu pyeti Bujar Osmanin për involvimin e një funksionari të BDI-së në ngecjen e rrugës Shkup-Bllacë.

Arjanit Hoxha: A ka qenë pengesë rruga Shkup-Bllacë shkaku i involvimit të ndonjë funksionari të BDI-së në tokat të cilat duhet të bëhet eksproproimi, këtë e thoni publikisht.

Bujar Osmani: Asnjëherë me gjithë përgjegjësinë morale dhe çfarë do që  ka qenë.

Arjanit Hoxha: Kjo është pyetje e cila po bisedohet prandaj e shtroj publikisht.

Bujar Osmani: Absolutisht është një lajm i rremë, i vetmi problem ka qenë mungesa e projektit dhe projektimi i cili ka marrë  shumë kohë, si dhe sigurimi i mjeteve financiare e cila është bërë në këtë periudhë dhe është përgatitur projekti për 2 km e parë dhe është në përgatitje e sipër pjesa e dytë e projektit . Mendoj se kjo punë nuk ka kthim pas.

Osmani tha se punimet do të fillojnë këtyre ditëve.

Bujar Osmani: Unë pres ditëve në vijim  d.m.th. këtë javë ose në fillim te javës tjetër të fillojnë punët përgatitore për të hequr dheun.

Në vijim është edhe shpronësimi i tokave, në vendin ku do të ndërtohet autostrada, me çka banorët e Bllacës kanë shprehur pakënaqësi për çmimin e ulët që ua ka ofruar shteti.