Pse FC Shkupi nuk luan në Stadiumin e Çairit? Bunjaku: Reflektorët kushtojnë 600 mijë deri në 1 milion euro

Drejtori Sportiv i FC Shkupit, Omer Bunjaku në Click21 tha se ndeshja me Dinamon do të luhet në stadiumin “Todor Provski” pasi stadiumi i Çairit nuk i plotëson kushtet që ka vendosur së fundmi UEFA. Bunjaku si problem e paraqiti mungesën e reflektorëve.

“Për t’i vendosur reflektorët në kushtet që kërkon UEFA është minimum për çmimin më të ulët dikund 600 mijë deri në 1 milionë euro. Por shpresojmë që edhe në stadiumin e Qytetit bashkë me shikuesit bashkë me Shvercerat që do të krijojmë një atmosferë shumë të mirë”, tha mes tjerash Bunjaku.