Prof. Dr. Jusuf Zejneli, kandidat për Rektor të Universitetit të Tetovës për mandatin 2026–2029, në përmbyllje të prezantimit të platformës së tij të punës ka kërkuar mbështetjen dhe besimin e stafit akademik dhe komunitetit universitar për realizimin e vizionit të tij për zhvillimin e universitetit.
Zejneli theksoi se programi i tij synon avancimin e Universitetit të Tetovës në një institucion më modern, më konkurrues dhe të orientuar drejt standardeve evropiane të arsimit të lartë. Ai vuri në pah nevojën për forcimin e cilësisë në mësimdhënie dhe kërkim shkencor, rritjen e inovacionit, si dhe zgjerimin e bashkëpunimit dhe afirmimit të universitetit në hapësirën akademike ndërkombëtare.
Duke kërkuar përkrahjen e komunitetit universitar, Zejneli u shpreh se përmes një angazhimi të përbashkët mund të ndërtohet një Universitet i Tetovës më i fuqishëm, më inovativ dhe më i afirmuar në nivel rajonal dhe evropian.