Demonstruesit në Bruksel mbrëmë kanë djegur një stacion policor dhe një automjet gjatë protestave për shkak të vdekjes së 23 vjeçarit Ibrahim Bari me prejardhje afrikane, i cili vdiq pasi u arrestuar nga policia.
Qindra qytetarë dje u mblodhën para stacionit policor, në pjesën veriore të Brukselit duke brohoritur “Jeta e personave me ngjyrë është e rëndësishme”, “Drejtësi për Ibrahimin”, “Policët vrasës”. Ata kanë hedhur gurë ndaj stacionit policor, ndërsa polica u kundërpërgjigj me topa uji. Më pas demonstruesit e dogjën hyrjen e stacionit policor dhe një automobil policor dhe i kanë dëmtuar bankomatet dhe dyqanet në afërsi.
Disa protestues u plagosën dhe u dërguan në spital, dhe shumë të tjerë u arrestuan.
Bari u arrestua më 9 janar për mosrespektim të masave kufizuese të vendosura për shkak të pandemisë Kovid-19. Ai humbi ndjenjat pas një ore në paraburgim dhe u dërgua në spital, ku edhe vdiq.
Prokuroria ka ngritur hetim për vdekjen e Barit.