Në Qendrën Informative Kulturore, Shkup u promovua libri më i ri i historianit Nexhmedin Spahiu, me titull, “Kosova dhe Shqipëria në të ardhmen, më afër apo më larg njëra-tjetrës”.
Autori përmes këtij librit vë në pah dhe analizon marrëdhëniet ndërmjet dy shteteve.
Promovimin e organizoi Universiteti “Nënë Tereza” në Shkup, e me këtë rast fjalën e mori rektori i këtij universiteti Aziz Pollozhani.
Profesori Rizvan Sulejmani duke folur mbi librin radhiti ngjarjet që rreshtohen në librin e Spahiut.
Në këtë ngjarje i pranishëm ishte edhe presidenti i shtetit të RMV, Stevo Pendarovski, me praninë e tij Spahiu tha se e respekton Kosovën dhe gjithë shqiptarët. Me këtë rast Spahiu foli edhe për integrimin e vendit në BE.
Në këtë studim shqyrtohet korelacioni identitar mes Kosovës e Shqipërisë. Përmes analizës krahasuese vihen në pah ngjashmëritë dhe diferencat në rrugëtimin historik të popullsisë së këtyre dy territoreve.
Nga analizuesit e tij u vlerësua si një libër shumë bindës sa i përket raporteve mes Kosovës dhe Shqipërisë. Përndryshe ky është libri i 11 i publikuar nga historiani, Nexhmedin Spahiu.