Pjesa më e madhe e zjarrit në Kokino nën kontroll, aktiv zjarri në Kokinski doll

Pjesa më e madhe e zjarrit në Kokino është vendosur nën kontroll, por ka vatër të re në vendin Kokinski doll, deklaroi sot kryetarja e Nagoriçanit të Vjetër, Zhaklina Jovnovska. Krahas njësisë zjarrfikëse nga Nagoriçani i Vjetër dhe zjarrfikësve nga më shumë qytete, në terren janë dhe ekipe të Armatës, nga MPB-ja, nga ISHSSH, ekonomia e pyjeve dhe vullnetarë.

Dëmi në sipërfaqet është i madh, në disa vende ende ka tym, është djegur pyll me pisha, lis dhe me kërcell të ulët.

“Aty ka zjarr disa orë, por vendi është i paqasshëm dhe nuk mund të veprohet me automjete. Po tentojmë me makina të bëjmë prerje të drunjve, të cilën në terren e realizojnë ekipet e ekonomisë së pyjeve, që të mos përhapet zjarri drejt anës së djathtë të rrugës”, deklaroi Jovanovska.

Edhe nga komuna presin që helikopterët ta lokalizojnë zjarrin në pjesën e paqasshme, që ekipet në terren të veprojnë me kohë para natës. Nga zjarri në Kokino nuk ka të lënduar, por janë përfshirë disa shtëpi, ku nuk ka pasur banorë.