Kryeministri slloven Janez Jansha për të hënën e thirri Këshillin për siguri nacionale, ndërsa në rend dite do të jetë vazhdimi i luftës me koronavirusin dhe vlerësimin e rreziqeve për siguri kibernetike lidhur me teknologjinë 5G, njofton korrespondenti i MIA-s nga Lubjana.
Këshilli do të takohet në orën 11 në Bërdo afër Kranjës, ndërsa janë ftuar presidenti i shtetit Borut Pahor, kryetari i Kuvendit Igor Zorçiç, ministri i Shëndetësisë Tomazh Gantar, si dhe Marjan Sharec si përfaqësues i partisë më të madhe opozitare.
Këshilli do të shqyrtojë dhe rishikojë planin e shtetit për të vazhduar luftën kundër epidemisë së koronavirusit. Në mënyrë shtesë do të marrë pjesë edhe drejtori i Agjencisë të sigurisë dhe inteligjencës sllovene Janez Strushek i cili do të marrë pjesë në bisedimet mbi sigurinë dhe rreziqet kibernetike nga teknologjia 5G, për të cilat tashmë ka një plan për tu vendosur në vend.
Ky do të jetë takimi i dytë i Këshillit të Sigurisë Nacionale, pasi Jansha e ka ndërmarrë pushtetin./MIA