Me shumicë të gjërë dhe mbështetje nga Demokracia e re qeveritare dhe partitë opozitare SYRIZA, Lëvizja për ndryshim dhe Zgjidhja greke, Parlamenti grek e votoi propozim-ligjin për furnizim të 18 aeroplanëve ushtarak “Rafal” nga Franca, lajmëroi korrespondentja e MIA-s nga Athina.
Ministri i Mbrojtjes së Greqisë, Nikos Panajotopulos, në fjalimin e tij nga foltorja parlamentare u bëri thirrje të gjitha partive politike të votojnë për ligjin konkret që ka të bëjë me marrëveshjet për furnizim të aeroplanëve ushtarak që përmes seancës plenare të parlamentit grek “të dërgohet sinjal i fuqishëm në çdo drejtim se Greqia është e vendosur të bëjë gjithçka që është e nevojshme që t’i miratojë të drejtat e tij sovrane, të përballet me çdo provokim dhe kërcënim të sigurisë në rajonin më të gjërë”.
Greqia do të furnizojë gjashtë aeroplanë të rinj ushtarak dhe 12 të përdorura, ndërsa shpenzimet e tërësishme janë 2.49 miliard euro dhe përveç furnizimit, përfshijnë edhe shpenzime për mirëmbajtje, si dhe për furnizim të pajisjes, gjegjësisht armë për vetë aeroplanët.
Sipas mediave greke, kah fundi i muajit, në Athinë do të nënshkruhet marrëveshja për aeroplanët me ministren e mbrojtjes të Francës, ndërsa gjashtë aeroplanët e përdorur, Greqisë mund t’ia dorëzojnë gjashtë muaj pas nënshkrimit të marrëveshjes dhe do të arrijnë nga një çdo muaj.