Paratë e mbetura nga buxheti i BE-së pothuajse tërësisht do të destinohen për pandeminë

TË FUNDIT

Këshilli i BE-së kumtoi se sot janë miratuar propozimet për ndryshime të  buxhetit të Unionit për vitin 2020 që të sigurohet  ndihmë më e madhe  në luftën kundër pandemisë së koronavirusit.

“BE-ja  i vë në dispozicion pothuajse  të gjitha paratë e mbetura  nga buxheti i sivjetëm për luftë kundër pandemisë me Kovid-19”, informojnë nga Këshilli i BE-së.

Përveç krizës shëndetësore, buxheti i BE-së do të destinohet në pjesë të madhe për ndihmë të Greqisë në ballafaqim me krizën e refugjatëve, si dhe për ndihmë të Shqipërisë për rikonstrumin e vendit pas tërmetit.

“Buxheti  i rishikuar i BE-së për vitin 2020 zhbllokon resurse të rëndësishme për ballafaqim me sfidat pa presedan me të cilat  përballen  BE-ja dhe vendet  e saj anëtare. Prioriteti ynë i lartë është  t’u ndihmojmë  sistemeve shëndetësore kombëtare të ballafaqohen me epideminë e Kovid-19. Këto para do të destinohen  për pajisje mjekësore, ndërtim të spitaleve polak dhe transfer të pacientëve në vendet tjera anëtare”, deklaroi Zdravo Mariq ministër kroat  i Financave, vendi i të cilit  kryeson me BE-në.

Me këto ndryshime buxhetore rriten përpjekjet   për 3,57 miliard euro për vlerën e tërësishme  prej 172,2 miliard euro, ndërsa pagesat rriten  për 1,6 miliard euro  për vlerën e tërësishme prej 155,2 miliard euro”, kumtoi Këshilli i BE-së.

Ndryshimet do të duhet tani të miratohen nga ana e Parlamentit Evropian në seancën  e ardhshme plenare.

Bashkimi Evropian ende nuk ka sjellur buxhet për periudhën financiare 2021-2027./MIA