Dalja e votuesve në Tetovë deri në orën 17:00 është thuajse e njëjtë sikur në rrethin e parë të zgjedhjeve dhe ajo është 39.81%, ka bërë të ditur për TV21, Nazmi Dauti nga Komisioni Komunal Zgjedhor Tetovë.
Deri në ora 17, dalja në Strugë e njëjtë sikurse në rrethin e parë – njofton Minir Zhuta nga KKZ Strugë
Procesi zgjedhor në Strugë është duke u zhvilluar pa pengesa, përveç në disa raste kur disa votues janë ankuar se nuk gjenden në listën zgjedhore dhe është konstatuar se adresa e banimit nuk është valide.
Minir Zhuta nga Komisioni Komunal Zgjedhor për TV21 njoftoi se dalja e votuesve deri në ora 17:00 ka qenë 35.40%.
“Jehona e votuesve deri në orën 17 është 35.40%
G: Në krahasim me rrethin e parë, si është dalja?
Aty – aty është”, tha Zhuta.
Belgjika po heton pamje të reja të dronëve mbi bazat e saj ushtarake
Policia në Belgjikë po heton pamjet e dronëve mbi një bazë ajrore ushtarake, ka thënë të dielën ministri i Mbrojtjes, Theo Francken.
Kjo nuk është hera e parë që Belgjika vëren dronë mbi zonat ushtarake në vend.
Qeveria belge ka marrë raporte të shtunën për dronë që fluturonin mbi bazën ajrore Kleine Brogel në Belgjikën verilindore, ka thënë Francken në një postim në X.
Një helikopter dhe automjete policie e ndoqën, por nuk arritën ta kapnin dronin, dhe një bllokues droni nuk mundi ta kapte atë, ka thënë Francken.
“Nuk ishte një fluturim i thjeshtë, por një komandë e qartë që synonte Kleine Brogel”, ka deklaruar Francken.
Një zëdhënës i zyrës së Francken i ka thënë Reuters se policia po hetonte incidentin.
Vendet e NATO-s kanë qenë në gatishmëri të lartë në javët e fundit pas pamjeve të dronëve dhe ndërhyrjeve të tjera ajrore, duke përfshirë në aeroportet në Kopenhagë, Mynih dhe në rajonin e Baltikut.
Rreth 20 dronë rusë hynë në hapësirën ajrore polake në shtator.
Hetimet janë duke u zhvilluar në Belgjikë për pamjet e shumta të dronëve mbi një bazë ushtarake në juglindje të vendit dhe një bazë tjetër ushtarake në Elsenborn, në kufirin gjerman muajin e kaluar.
Është e paligjshme të fluturosh dronë mbi zonat ushtarake në Belgjikë.
Komisioni Evropian muajin e kaluar propozoi katër projekte mbrojtëse evropiane, duke përfshirë një sistem kundër dronëve dhe një plan për të fortifikuar kufirin lindor me Rusinë, si pjesë e një përpjekjeje për ta përgatitur kontinentin për t’u mbrojtur deri në vitin 2030.
Francken i ka bërë thirrje qeverisë së Belgjikës të shpenzojë më shumë për mbrojtjet kundër dronëve.
Deri në ora 17:00 jehona e votuesve është 39,28%! Jehona më e ulët në Shuto Orizarë dhe Kumanovë
Nga Komisioni Shtetëror i Zgjedhjeve njoftuan se deri në ora 17:00 , në raundin e dytë të zgjedhjeve lokale kanë votuar 279,241 qytetarë, ose jehona e votuesve është 39,28%, përcjell TV21. Nga KSHZ thonë se për të njëjtën periudhë kohore, në raundin e parë të zgjedhjeve lokale, jehona e votuesve ishte 39.62%, .
“Do të veçojmë Kumanovën dhe komunën e Shuto Orizarës si komuna me jehonë të votuesve më të ulët, gjegjësisht Kumanova 27,72% dhe Shuto orizari 25,82%. Ndërsa komunat me jehonë më të lartë të votuesve, veçojmë Demir Kapinë me 62,71%, Dojranit me 62,96%, Konçen 64,44%, Krushevën 61,89%, Rosomani me 63,58%”, tha Admir Shabani, zëdhënës i KSHZ-së
Çairi me jehonë prej 12,08%, Saraji 8,77%! Deri në ora 17:00, dalja për Qytetin e Shkupit është dukshëm më e ulët se në raundin e parë
Nga Komisioni Shtetëror i Zgjedhjeve njoftojnë se jehona e votuesve deri në ora 17:00 në Qytetin e Shkupit është 28,52%, përcjell TV21. Nëse e krahasojmë me raundin e parë për Qytetin e Shkupit, kur ishte 39,62%, shihet se ka rënie për mbi 10 për qind. Sot deri në ora 17:00 kanë votuar 134.586 qytetarë.
Ja sa është dalja në komunat që votojnë për Qytetin e Shkupit:
Aerodrom 36%
Butel 22, 90%
Gazi Babë 25,79%
Gjorçe Petrov 29%
Karposht 40,73%
Kisella Vodë 34,48%
Saraj 8,77%
Komuna Qendër 39,44%
Çair 12,08%
Shuto Orizarë 26,10%
Ndërroi jetë motra e këngëtarit Shkelzen Jetishi – Xeni
Këngëtari shqiptar, Shkelzen Jetishi, i njohur për publikun si Xeni ka bërë të ditur se i ka vdekur motra.
Këtë lajm ai e ka dhënë përmes një postimi në llogarinë e tij në rrjetin social, Instagram.
“Qofsh e parajsës motra ime e dashur, Valbona. Lamtumirë”, ka shkruar Xeni.
I vdiq djali nga shembja e çatisë, nëna nis grevë urie para Parlamentit në Serbi! Nisin tensione
Situata është e tensionuar para Parlamentit të Serbisë, ku Dijana Hrka, nëna e Stefan Hrka-s, njërit nga 16 viktimat e shembjes së çatisë prej betoni në stacionin hekurudhor të Novi Sadit vitin e kaluar, ka nisur grevën e urisë që nga mëngjesi i sotëm.
Pasdite atje ka mbërritur njësi e policisë për shpërndarjen e protestave, duke shtuar tensionet para ndërtesës së Kuvendit të Serbisë në Beograd.
Tensionet u përshkallëzuan pasi policia nuk i lejoi Dijana Hrkës t’i afrohej ndërtesës së Parlamentit për ta filluar atje grevën e urisë, pas së cilës qytetarë të shumtë filluan të mblidheshin spontanisht për ta mbështetur.
Me shtimin e numrit të qytetarëve, policia serbe ka dislokuar forca shtesë. Njësitë policore, të pajisura me veshje të plota anti-plumb, i kanë shtyrë qytetarët drejt bulevardit “Knez Miloš”, ndërsa persona nga i ashtuquajturi “Kjaciland” (kamp me tenda përballë Parlamentit) po mblidhen në numër gjithnjë e më të madh në hapësirën e rrethuar përreth ndërtesës.
Në videot e publikuara në rrjetet sociale, shihet policia duke i shtyrë qytetarët, mes të cilëve ndodhej edhe ish-basketbollisti Vladimir Štimac.
Ndërkohë, policia anti-protestë është ripozicionuar përballë qytetarëve pas gardhit metalik, dhe një numër gjithnjë e më i madh efektivësh po grumbullohen brenda hapësirës së rrethuar rreth Parlamentit.
Qytetarët dhe Dijana Hrka kanë mbetur para gardhit metalik të vendosur për të parandaluar afrimin në shkallët e Parlamentit.
Gjithnjë e më shumë njerëz po mblidhen në mbështetje të saj, ndërsa të tjerë po i bashkohen protestës në “Kjaciland”./TV21
P.Diddy nis të punojë në lavanderinë e burgut
Këngëtari amerikan, Sean ‘Diddy’ Combs ka nisur të punojë në lavanderinë e burgut ku po vuan dënimin e tij.
Manjati 55-vjeçar i repit është transferuar në Institutin Federal Korrektues (FCI) në Fort Dix, New Jersey, në fillim të kësaj jave, ku pritet të kryejë pjesën tjetër të dënimit të tij prej 50 muajsh burgim për transportim për prostitucion, dhe tani është zbuluar se atij i është dhënë një mënyrë për të kaluar kohën në objekt.
Burimet i kanë thënë TMZ se krijuesi i hitit “I’ll Be Missing You” do të lajë dhe thajë rrobat e pista në lavanderinë e burgut.
Puna mund të jetë një tronditje për yllin sepse gjatë gjyqit të tij, prokurorët pretenduan se ai nuk ishte në gjendje të bënte as detyra themelore dhe se mbështetej në një ekip asistentësh personalë për të bërë gjithçka për të.
FCI Fort Dix është një strukturë me siguri të ulët dhe thuhet se ka kushte më të mira se MDC Brooklyn, ku Combs kishte qenë pas hekurave që nga arrestimi i tij për akuza të ndryshme për krime seksuale në shtator 2024.
Ekipi i tij ligjor kishte kërkuar që ai të transferohej në strukturën në New Jersey për shkak të qasjes së saj në skemat e rehabilitimit nga droga.
KSHZ-ja ua hoqi akreditimet tetë vëzhguesve vendas për shkak të agjitimit para një vendvotimi
Komisioni Shtetëror i Zgjedhjeve sot, në kuadër të seancës së 151-të diskutoi për dy ankesa në lidhje me ushtrimin e të drejtës së votës, me ç’rast në të dyja rastet vërtetoi se personat janë të regjistruar në Listën zgjedhore dhe mund ta ushtrojnë të drejtën e tyre deri në orën 19:00, dhe miratoi vendim për heqjen e akreditimeve të tetë vëzhguesve vendas për shkak të veprimit në kundërshtim me Kodin Zgjedhor dhe Kodin për Vëzhgim.
Një ankesë është paraqitur nga personi Trajçe Kamçev nga Komuna Qendër dhe siç u theksua në seancë, pas kontrollit nga shërbimi profesional, është vërtetuar se personi është i regjistruar në Listën zgjedhore në vendvotimin 1354 në Komunë, për këtë arsye ankesa është refuzuar.
“Ky person është i regjistruar në Listën zgjedhore në vendvotimin 1354 në komunën Qendër dhe mund ta ushtrojë lirisht të drejtën e tij të votës”, deklaroi kryetari i KSHZ-së, Boris Kondarko.
Anëtarët e KSHZ-së diskutuan edhe një ankesë, të marrë nëpërmjet adresës elektronike nga personi Qemal Ismailoski nga Kërçova, i cili ankohet se nuk është gjetur në pajisjen e identifikimit biometrik. Ankesa, përveç KSHZ-së, është dërguar edhe te Avokati i Popullit dhe te Prokuroria Shtetërore. Kondarko theksoi se pas kontrollit të shërbimit të ekspertëve dhe sektorit të IT-së, është përcaktuar se personi është regjistruar në Listën e Zgjedhësve dhe në pajisjen e identifikimit biometrik.
Anëtari i KSHZ-së, Aleksandar Dashtevski kërkoi që të mos deklarohen fare për këtë ankesë, sepse ajo është dorëzuar nga një adresë elektronike që nuk është nga një person i autorizuar dhe mund të mos jetë personalisht nga ankuesi, dhe është dorëzuar edhe te Avokati i Popullit dhe Prokuroria, dhe për këtë arsye, sipas tij, KSHZ-ja nuk duhet të vendosë fare, por Prokuroria duhet të përcaktojë nëse ankesa është nga ai person apo nëse janë keqpërdorur të dhënat personale.
Kondarko theksoi se Prokuroria e ka këtë email dhe mund të hetojë rrethanat e mbetura, të cilat nuk lidhen me këtë të drejtë vote, dhe se KSHZ-ja është përgjegjëse për të drejtën për të votuar.
Ai theksoi gjithashtu se deri më tani, në asnjë vendvotim nuk është vërejtur asnjë ndërprerje e ushtrimit të së drejtës së votës.
KSHZ-ja vendosi gjithashtu t’ua heqë akreditimet për vëzhgim tetë personave. Bëhet fjalë për vëzhgues vendas në Komunën Shuto Orizare, për të cilët KSHZ-ja gjatë ditës mori një raport për keqpërdorim të bexhave për vëzhguesi vendas , përkatësisht për agjitim në një shkollë para vendvotimeve.
Ai theksoi se KSHZ-ja e njoftoi MPB-në për këtë ngjarje, sepse ata po agjitonin jashtë vendvotimit, ku KSHZ-ja nuk është kompetente. Pas heqjes, shtoi Kondarko, ata do ta njoftojnë Komisionin Komunal Zgjedhor në Shuto Orizare dhe këshillat zgjedhore që të mos lejojnë hyrjen e këtyre personave në vendvotimet dhe në objektet e votimit, përkatësisht se nuk duhet t’i referohen akreditimeve dhe bexhave që u janë dhënë më parë nga KSHZ-ja.
Seancën e radhës KSHZ-ja do të mbajë në orën 15:30, ku do të japë informacione për daljen e votuesve.
Obama kritikon Trump: Politikat e tij janë kaotike dhe kërcënojnë demokracinë
Ish-Presidenti amerikan, Barack Obama, kritikoi të shtunën presidentin Donald Trump për politikat e tij, të cilat i cilësoi si kaotike, duke paralajmëruar për rreziqet që kërcënojnë demokracinë amerikane.
Obama shprehu kritikat gjatë një tubimi në mbështetje të kandidates për guvernatore të Virxhinias, Abigail Spanberger, dhe kandidatit për guvernator të Nju Xhersit, Mickey Sherrill.
“Le ta pranojmë, vendi dhe politika jonë janë në një gjendje mjaft të zymtë tani,” u tha ish-presidenti mbështetësve të Spanberger të mbledhur në Universitetin Old Dominion në Norfolk, Virxhinia.
“Është e vështirë të dish nga t’ia fillosh, sepse çdo ditë kjo Shtëpi e Bardhë u ofron qytetarëve një grumbull të ri paligjshmërie, pakujdesie dhe çmendurie dashakeqe – dhe thjesht të pakuptimtë,” shtoi ai.
Obama kritikoi ashpër politikat “kaotike” të tarifave të Trump dhe vendosjen e Gardës Kombëtare në shtete të ndryshme amerikane.
“A po funksionon ekonomia më mirë për ju? Sepse sigurisht që ka funksionuar më mirë për Trumpin dhe familjen e tij,” theksoi ai.
Rezultatet e zgjedhjeve për guvernator në Virxhinia dhe Nju Xhersi, të cilat do të mbahen të martën, priten me padurim, pasi ato do të shërbejnë si një barometër i mundshëm për zgjedhjet e mesit të mandatit në vitin 2026.
Abigail Spanberger, një ish-anëtare e CIA-s dhe senatore për gjashtë vjet, shihet si favorite për të fituar në Virxhinia. Megjithatë, Mickey Sherrill duket se po lufton krah për krah me republikanin Jack Ciattarelli në Nju Xhersi.