Erdhi me një buqetë me lule, për t’ia “marr” vendin e punës!

Takim i ftohtë që zgjati me pak se një orë ndërmjet Orce Gjeorgjievskit dhe Danella Arsovskas në pranim dorëzimin e detyrës së kreut të Qytetit të Shkupit. Në largim Arsovska nuk foli për mediat!
Kryetari i ri u zotua se gjëja e parë që do të bëj është pastrimi i kryeqytetit nga mbeturinat, aksion i cili do filloj nga mesnata për 72 orë, larje të shesheve e bulevardeve dhe jo vetëm.

“Do të përgatitim rebalanc të buxhetit që duhet ta miratojmë shpejtë, duke përfshirë projekte të reja që do t’i fillojmë në Qytetin e Shkupit, në fokus i kemi katër prej të cilëve me dekada kanë mbetur anash, në periudhën që pasoj do ti zhbllokojmë dhe do ti realizojmë shpjet. Lidhja në ‘Momin Potok’, Bulevardi ‘Boris Trajkovski’ dhe dy urat njëra në Ljublanska dhe tjera te Gjenerali Apostol nga Aerodromi drejt Gazi Babës”, tha Gjeorgjievski.

Ai paralajmëroi edhe ndërrimin e drejtorëve të ndërmarrjeve publike, por edhe përjashtime nga puna.

“Të gjithë ata që kanë keqpërdorur vendet e tyre të punës, ndërsa janë paguar nga qytetarët, posaçërisht për ata që kam informacione dhe sonte do të jap detaje për këtë, që nuk kanë shkuar në punë e kanë marrë paga, pa taktizime, pa marrë parasysh kush nga vjen as pa përcaktime politike, fetare apo etnike, do të largohen nga puna që sot në numër të madh nga puna. Absolutisht edhe me kallëzime penale, do të pasojë revizioni në të gjitha ndërmarrjet publike dhe në Qytetin e Shkupit”, tha Gjeorgjievski.

Derisa jepej deklarata, vetëm se filluan të hiqen barrierat e vogla në hyrje të zyrave për evidencë në punë.

Takim pritet të ketë nesër edhe me pronarët e transportuesve privat të NQP-së, për tejkalim të krizës duke paralajmëruar edhe 60 autobus tjerë në linjat e kryeqytetit, për mos të dështuar transporti publik.

Rritja e Bruto Prodhimit Vendor prej 3,8% për vitin e ardhshëm është disi e tepruar, kryetari i Këshillit Fiskal, akademiku Abdylmenaf Bexheti, duke shtuar se duhet treguar kujdes me shpenzimet e interesave të kredive, të cilat vazhdimisht rriten dhe thithin qindra milionë euro nga arka shtetërore. Këto, sipas tij, janë rreziqet kryesore për realizimin e buxhetit të vitit 2026, por edhe për vitet e ardhshme. “Ne jetojmë në një ambient të pasigurt, ndërsa jemi ekonomi e vogël dhe e hapur – prandaj duhet të kemi rrezik të llogaritur për çdo situatë,” – deklaroi Bexheti.

“Në pjesën e rritjes së projektuar duhet të jemi sa më realistë, në përputhje me ambientin makroekonomik. Mbi 300 milionë euro na kushtojnë interesat. Vitin e ardhshëm do të jetë e ngjashme. Por në vitin 2027 kjo shumë pritet të arrijë rreth gjysmë miliard euro vetëm për interesa. Projeksionet janë shumë të pafavorshme deri në vitin 2034”, theksoi Abdylmenaf Bexheti – Kryetar i Këshillit Fiskal.

Bexheti tha se për vitin e dytë me radhë, Këshilli Fiskal nuk ka dorëzuar mendim për propozim-buxhetin para miratimit të tij në Qeveri, edhe pse kjo është detyrim ligjor. Mendimi i Këshillit do të jetë gati për 4-5 ditë dhe do t’i dorëzohet Komisionit për Financim dhe Buxhet. Sa i përket konsolidimit të fondit pensional, për të cilin çdo vit derdhen qindra milionë euro nga buxheti, Bexheti tha se qëndrojnë ende në rekomandimin e vitit të kaluar.

“Pra, për të zbutur dhe për të hyrë në një konsolidim fiskal të fondit pensional, ju keni dy mundësi: ose t’i ngrini pensionet, ose të rritni gradualisht kontributin. Ose të zgjatet mosha e punës. Dhe ne nuk kemi thënë që kjo të ndodhë menjëherë”, pohoi theksoi Abdylmenaf Bexheti – Kryetar i Këshillit Fiskal.

Bexheti tha se është befasuar për mirë nga propozim-buxheti për vitin 2026, i cili është përgatitur me një qasje jashtëzakonisht konservatore krahasuar me pesëmbëdhjetë vitet e fundit. Lidhur me uljen e investimeve kapitale, të projektuara për vitin e ardhshëm në 650 milionë euro, ai shtoi se “më mirë të planifikojmë realisht, sesa të mos i realizojmë ato si këtë vit – por edhe si pothuajse të gjitha vitet e kaluara.”