Atletico Madrid dhe Real Madrid kanë luajtur baras në ndeshjen e parë të çerekfinales në Champions, me rezultat 0-0.

Lojtari i ndeshjes ishte portieri vendas Oblak, i cili në disa raste e shpëtoi skuadrën e tij pa pësuar gol.

Ndërsa dështaku i ndeshjes ishte Mario Mandukic, i cili pothuajse të gjitha duelet më mbrojtësit e Realit i humbi.

Vlerësimet e lojtarëve:

Atletico Madrid: Oblak 9 (Lojtar i ndeshjes), Godin 8.5, Miranda 8.5, Siqueira 8.5, Juanfran 8, Suarez 7.5, Koke 8, Gabi 7.5, Turan 8, Mandzukic 7 (Dështim i ndeshjes), Griezmann 8.5. Zëvendësuesit: Garcia 7, Torres 7.5.

Real Madrid: Casillas 8, Ramos 8.5, Varane 8.5, Carvajal 8, Marcelo 8.5, James 8.5, Kroos 8, Bale 7.5, Modric 8.5, Benzema 8, Ronaldo 8.5. Zëvendësuesit: Arbeloa 7, Isco 7.

Në orët e hershme të mëngjesit ka filluar një aksion i madh policorë në paralagjen Vaganicë të Mitrovicës.

Ky aksioni është duke u zhvilluar për kërkimin e armëve dhe deri më tani janë arrestuar nëntë persona. Në mesin e të arrestuarve sipas burimeve të KosovaPress, ka edhe shtetas që dyshohet të jenë nga Siria. Deri më tani gjatë këtij aksioni policia ka gjetur një predhë dore dhe municion. Zëdhënësi i policisë për rajonin e Mitrovicës Avni Zahiti, ka konfirmuar për aksionin policorë por nuk ka dhënë detaje shtesë./RTV21

Ministrja për integrim në qeverinë e Landit jugperëndimor gjerman, Baden-Württemberg, Bilkay Öney sa i takon valës së eksodit të muajve të kaluar nga Kosova në Gjermani ka thënë që emigrimi ilegal lidhet më një keqkuptim.

“Fakti se këtu gjatë shkurtit kanë ardhur numër shumë i madh i kosovarëve, lidhet para së gjithash me një keqkuptim: Njerëzit atje e kanë interpretuar reformën gjermane në fushë të azilit sikur çdo njeri që vjen në Gjermani si refugjat mund të qëndrojë këtu dhe pas tre muajve e fiton edhe të drejtën e punës. Ky, natyrisht që është interpretim i gabuar, i cili ndërkohë është korrigjuar si nga ana kosovare ashtu dhe nga ajo gjermane. Njerëzit tashmë e dinë: Kërkesa e tyre për azil në Gjermani nuk ka asnjë shans. Dhe, ky sqarim po jep fryte: Numrat e të ardhurve nga Kosova gjatë marsit, në krahasim me ata gjatë shkurtit ka shënuar një rënie prej 70 për qind”, ka thënë Önay në një intervistë dhënë gazetës “Badische Zeitung”./RTV21

Trajneri i PSG-së, Laurent Blanc, e pranon se skuadrën e tij e pret një sfidë e vështirë kundër Barcelonës.

PSG dhe Barcelona do të ndeshen sonte në Paris, në ndeshjen e parë të çerekfinales së Ligës së Kampionëve. Tekniku francez thotë se dueli me “blaugranat” do të jetë një ndeshje e vështirë, por ai beson se të përzgjedhurit e tij do të mundohen të bëjnë më të mirën në përballje me gjigantin spanjoll.

“Barcelona ka në skuadër lojtarë të mëdhenj dhe këtu nuk e kam fjalën vetëm për Lionel Messin. Ne duhet të gjejmë një zgjidhje për të mos dështuar. Duhet të jemi të bashkuar dhe të bëjmë lojën tonë. Kur të kemi mundësinë për të shënuar nuk do të hezitojmë siç kemi bërë në fazën e grupeve. E kemi provuar me fakte se mund ta kalojmë këtë kundërshtar”, ka thënë Blanc.

Ndeshja mes PSG-së dhe Barcelonës nis në orën 20:45.

Qindra të zhdukur rezultojnë të jenë në detin Mesdhe, kjo si pasojë e përmbytjes së një anije. Siç raporton CNN se në anije kanë qenë mbi 500 persona.

Anija është përmbytur rreth 80 milje larg bregdetit të Libisë.

Deri tani mësohet se janë shpëtuar mbi 140 emigrant ndërsa, operacioni i kërkimit po vazhdon.

Muajve të fundit Italia është përballur me një valë në rritje të emigrantëve të dëshpëruar nga Afrika dhe Lindja e Mesme, të nxitur nga situata e rëndë që po kalojnë disa shtete në këtë rajon.

Sot, në 225 shkolla të Kosovës me 5300 nxënës mbahet testi i vlerësimit ndërkombëtar PISA. Sipas MASHT-it kjo është një ngjarje me rëndësi për sistemin e arsimit në Kosovë.

MASHT ka kërkuar nga drejtorët Komunal të Arsimit, drejtorët e shkollave, mësimdhënësit, nxënësit, koordinatorët komunal, koordinatorët e shkollave, administruesit e testit dhe prindërit të mobilizohen në përkrahje të këtij procesi të rëndësishëm për shtetin.

“Në këtë fazë të organizimit të testit PISA është me rëndësi te veçantë të bëhet një administrim profesional dhe i cilësisë së lartë. Gjithashtu është me rëndësi që të gjithë nxënësit e përzgjedhur të marrin pjesë në këtë vlerësim të rëndësishëm ndërkombëtar në të cilin Kosova merr pjese për herë të parë së bashku me 72 vende të botës”, thuhet në një njoftim nga Ministria e Arsimit.

Kjo e fundit iu dëshiron të gjithë nxënësve suksese në këtë test, ndërkaq administruesve një punë të palodhshme për t’u siguruar që procesi të shkojë siç është planifikuar nga Divizioni për Vlerësim, Standarde dhe Monitorim në MASHT.

Sot shënohet 16 vjetori i Betejës së Zhegocit e zhvilluar më 15 prill të vitit 1999.

Për sot është paraparë që në orën 10 të ketë homazhe tek varrezat e dëshmorëve në Gjilan ndërkaq manifestimi qendror do të mbahet në orën 13 tek lapidari në Zhegoc.

Në betejën e Zhegocit u vranë tetë ushtarëve të UÇK-së: Pajazit Ahmeti, Alban Ajeti, Hanumshahe Abdullahu, Tefik Zymberi, Sahit Baftiu, Shahin Baftiu, Kastriot Baftiu, Njazi Osmani dhe 18 civilë

Kosova thua se është mësuar që Serbia të mos e lë rahat me shekuj e sidomos tash e 16 vjet të tranzicionit (eksperimental). Së fundi edhe një çjerrje më e re nga i ashtuquajturi drejtor për “Kosovë e Metohi” në Qeverinë e Serbisë (Gjuriq i thonë), i cili i kërcënohet hapur Kosovës se nuk ka lojë me Brezovicën. Në atë stilin tanimë të njohur “nuk ka pazar pa hanxhinë”!
Cili është hanxhiu këtu?
Edhe kjo dihet!
Kosova si projekt perëndimor, e dëgjueshme deri në pikë të fundit, mendon se është zot në shtëpi të veten, anipse nuk qeverisë me tërësinë e territorit të saj.
Është ky vend që pranoi me diciplinë qytetëruese dhe civilizuese të jetë atdhe i të gjithë njerëzve që jetojnë dhe kanë jetuar në të.
Ky vend që pranoi pa asnjë telashe që brendapërbrenda vetit të ketë enklava të një etnie pakicë, mu ashtu siç ia imponoi Perëndimi dhe ambasadori i nderuar Ahtisari me dokumentin e tij të njohur. Dhe, votuan aso kohe të zgjedhurit e popullit në Kuvend këtë dokument, madje edhe katër akademikë, për këtë shtet me “shtete” të vogla brenda (enklavat serbe) …
Serbia dhe Beogradi që hyjnë e dalin në këtë vend që mëton të jetë evropian, sa herë t’iu teket – “si n’bahqe t’babës”!
Hyjnë nga mali, hyjnë në vendkalime, s’marrin leje, marrin leje, bëjnë lojë me këtë shtet tonin, madje bëhet zhurmë edhe kur flasin kundër këtij vendi mu në zemër këtij vendi (!) dhe pastaj ankohen, çirrën dhe thonë “Ja, ky është ai shteti i moderuar që Perëndimi i ka dhënë shpinën për ta bërë, nuk e meriton, nuk dijnë të bëjnë shtet, shkelin historinë…”, e të qena e të paqena të tjera.
Dhe ky vend, po që se mbledh guximin të reagojë, duhet përpara të matet mirë si ta bëjë këtë, pasi duhet të tregohet i dëgjueshëm deri në fund… Të mos lëndohet asnjëra palë!
Të jemi korrekt me miqët perëndimorë, PO SE PO, sepse kthim pas nuk ka por edhe të ulësh qafën, të thyesh kurrizin e të jesh përherë, edhe natën edhe ditën, në rolin e fajtorit dhe atij që është dënuar përherë me lëshue pe, edhe kjo nuk është korrekte e as diplomatike, anipse veprohet ndryshe mu për hir të stabilitetit në rajon.
Por për të dalë në pazar me “ble speca e patligjana”, vallë edhe atëherë duhet pyetur Beogradin?!
Pazar pa hanxhiun nuk ka, thonë, e këtë na e mëson historia. Po, e ditur se nuk është koha e hanxhinjëve, e as e tapive për me tregue kush kur ishte nën këtë qiell, se e ardhmja e këtij vendi dhe këtij rajoni është përbashkimi nën ombrellën e Evropës, por disa gjëra duhet qartësuar deri në fund, se për fatin e këtij vendi, vendosin VETËM ata që jetojnë dhe kanë jetuar këtu së bashku gjatë shekujve…
Nëse ka rrugë më të shkurtër, e thuani!
Sepse, kanë perënduar njëherë e përgjithmonë kohët e kryqëzatave dhe e sundimeve të huaja barbare…
Kemi falur por nuk kemi harruar!
T’i japim shans qytetërimit dhe menqurisë e jo ndarjes dhe hasmërisë!
Të shpresojmë se Brezovica do të mbetet inserti i fundit i përzierjës së Beogradit në mënyrën e jetesës sonë të përbashkët.
Kosova e Serbia janë dy shtete fëqinje, as më pak e as më shumë.
Te e fundmja, i ka Serbia mjaft hallet e veta!
Esad DUJAKA

Një asteroid i madhësisë së Statujës së Lirisë është në kurs të njëjtë me tokën dhe sipas shkencëtarëve mund ta godet tokën në vitin 2017

Nëse ai e godet tokën pritet të shkaktojë dëme të mëdha në tokë, ngase është në një madhësi të konsiderueshme.

Asteroidi i quajtur 2012 TC4 do të shkaktonte shumë më shumë probleme se ai që eksplodoi në tokë në shkurt të vitit 2013 në Rusi.

Por Detlef Koschny nga Agjencia Evropiane e Hapësirës tha se gjasat që ai të godet tokën janë një në një milion.

Derisa ISIS zë rob meshkuj ata kanë zgjidhje, të kalojnë në islam ose të jenë të vrarë, derisa gratë i ndajnë dhe i shesin si skllave seksuale shkruan CNN.

Gratë që kanë lindur ose janë gji dhënëse konsiderohen të papastra dhe nuk mund të merren si skllave të seksit. CCN thekson se Hanan, 19 vjeçare e cila ka folur për ta nuk bie në këto kategori.

“Neve na kanë ndarë. Na kanë ngrehur për flokësh. Kanë marrë gra të martuara dhe të reja. Më e reja i ka pasur vetëm dhjetë vjet. Të gjitha kemi qajtur. Na kanë thënë se do të na martojnë përsëri dhe do t’i harrojmë familjet tona”, rrëfen Hanan.

Në javën e parë janë mbajtur së bashku 50 vajza të reja dhe çdo ditë ato janë rrahur torturuar ndërkaq për ushqim kanë marrë vetëm nga një tas me oriz.

Grupi u dërgua në shtëpi tre katëshe në Mosul , e cila përshkruhet si depo e skllaveve të seksit, ku janë mbajtur qindra gra.

“Na kanë rreshtuar 50 prej nesh në rresht për dhjetë. Na kanë thënë që të mos lëvizim dhe mos të qajmë në të kundërtën do të na vrasin. Meshkujt do të vinin dhe do të zgjedhin cilën vajzë të duan ata”, ka treguar Hanan.

Ajo në fund është zgjedhur në grupin prej 25 vajzave ku pas disa kohësh janë ndarë në një grup të vogël dhe janë dërguar në një shtëpi në fshat.

Dy ushtarë të ISIS-it e kanë ruajtur te dera dhe kanë urdhëruar vajzat që të lahen dhe të pastrojnë veten.

“E kanë sjellë një vajzë e cila ka qenë me ta dy muaj. Ka pasur të veshur hixhab të zi. Na kanë thënë neve se do të na bëjnë njëjtë sikurse asaj. Ajo na ka treguar pastaj se e kanë rrahur, lidhur dhe dhunuar”.

Shpejt pas kësaj ajo ka vendosur që të provojë të ikë dhe një natë ka kërcyer nga dritarja e dhomës së fjetjes.

“Vajza e katër ka kërcyer, unë kam qenë e pesta. Unë u zvarrita deri te muri dhe vetëm kur kam dashur të kërcej kam parë llambën e tyre. Ata kapën dy vajzat e fundit”, thotë Hanan.

Siç thotë ajo kanë vrapuar dhe disi kanë shpëtuar nga kapja e tyre. Katër orë më vonë ato kanë qenë jashtë territorit të ISIS-it.