Anija “Curiosity” e NASA-s ka zbuluar se Marsi ka ujë të kripur nën sipërfaqen e tij.
Marsi konsiderohet një planet armiqësor për jetën. Mirëpo matjet e reja në kraterin e malit Gale japin të dhëna të ndryshme nga teoritë ekzistuese, sipas të cilave, planeti është tepër i ftohtë për praninë e ujit.

Anija “Curiosity”, e cila aktualisht ndodhet në malin Sharp, në qendër të kraterit Gale ka zbuluar se Marsi ka ujë nën sipërfaqe, raporton “The Guardian”.

Deri tani shkencëtarët kishin besuar se kushtet e planetit të kuq ishin tepër të ftohta për ekzistencën e ujit, edhe pse janë disa depozita akulli.

“Të dhënat tregojnë se uji mund të jetë në formën e permafrostit. Është hera e parë që zbulojmë ujë këtu”, tha profesor Andrew Coates nga “Mullard Space”.

Gjetja sugjeron se toka e këij planeti ka ujë të kripur, për shkak të pranisë së kripës, e cila e ulë në mënyrë domethënëse pikën e ngrirjes së ujit. Kur përzihet me perklorat kalciumi, uji mund të ekzistojë në këtë formë edhe nën temperaturën -70 gradë dhe kripa i gëlltit avujt e ujit nga atmosfera.

Gjatë netëve dimërore, deri në pikun e diellit, nivelet e temperaturës dhe lagështisë janë të duhurat për formimin e ujit të kripur. (lajmi.net)

Sipas të dhënave nga agjencia e statistikave “Open Data Albania”, këto dy shtete nuk aplikojnë pagesë minimale më shumë se 200 €, duke rënën nën Bullgarinë që ka 184 €
Ndryshe nga vendet tjera të Ballkanit, Shqipëria dhe Kosova aplikojnë pagesën minimale më të ulëtën për punëtorët e tyre. Sipas të dhënave nga agjencia e statistikave “Open Data Albania”, këto dy shtete nuk aplikojnë pagesë minimale më shumë se 200 euro, duke rënën nën Bullgarinë.
“Shqipëria që prej korrikut të vitit 2013 aplikon një pagë minimale prej 22,000 lekë në muaj ose 157 euro. Por kjo pagë nuk është aplikuar edhe si minimum për efekt të llogaritjes së kontributeve të sigurimeve shoqërore dhe shëndetësore”, thuhet në raportin e ODA-s.
Shqipëria dhe Kosova janë vende të rajonit që aplikojnë pagë minimale nën 200 euro në muaj. Vendet evropiane paraqesin nivele të larta të pagave minimale, mbi 300 euro në muaj. Përjashtim bën Bullgaria e cila aplikon një pagë minimale mujore prej 184 euro.
Shqipëria, sipas të njëjtit raport, ka aplikuar dy standarde page minimale.
“Deri në 31 korrik 2014, si pagë minimale për efekt të sigurimeve shëndetësore dhe shoqërore ka shërbyer paga prej 19,026 lekë në muaj, por duke filluar nga 1 gusht 2014 kjo pagë u rrit deri në nivelin prej 19,406 lekë në muaj. Në 1 janar të vitit 2015, paga minimale mujore për efekt kontributesh u barazua me pagën minimale mujore në shkallë vendi, pra u bë 22 000 lekë”, analizon Open Data Albania.
Sipas këtyre të dhënave, Shqipëria aplikon një pagë minimale mujore më të ulët se vendet e tjera të rajonit, me përjashtim të Kosovës e cila e aplikon pagën minimale mujore bazuar në moshën e të punësuarit.
Në Kosovë, për të punësuarit deri në 35 vjeç si pagë minimale është 130 euro në muaj, ndërsa për të punësuarit 35-65 vjeç si pagë minimale është 170 euro në muaj.
Ndryshe, Luksemburgu aplikon edhe nivelin më të lartë të pagës minimale mujore prej 1923 euro. Nga 1 janari 2015, Gjermania ka aplikuar për herë të parë pagën minimale mujore, e cila arrin në 1473 euro muaj. Ndërsa vendet si Italia, Austria, Danimarka, Finlanda, Suedia, Zvicra, Qipro, Islanda dhe Norvegjia, sipas ODA, nuk aplikojnë pagë minimale./albinfo.ch/

Ministri i punës, punësimit, çështjeve të luftëtarëve dhe çështjeve sociale i Serbisë, Aleksandar Vulin është shpallur sot qytetar nderi i Vitisë.

Në një solemnitet të mbajtur në Shtëpinë e kulturës në Kllokot, ka thënë se kjo paraqet “mirënjohje për Serbinë dhe Qeverinë serbe” dhe se është “mënyrë që qytetarët e Vitisë t’i tregojnë Serbisë se janë këtu dhe se Serbia duhet të mendojë për ta, të paktën po aq sa ata mendojnë për shtetin e tyre”.

Mediat serbe raportojnë se në solemnitetin në Kllokot, përveç qytetarëve dhe udhëheqjes së kësaj komune, kanë marrë pjesë kryetarët e komunave serbe të Anamoravës, si dhe “kryeshefi i qarkut kosovaro-anamoravas” Sergjan Mitroviq.

Ka qenë i pranishëm edhe Kumuceas Georgios, anëtar i Misionit të përhershëm të OSBE-së, i cili gjithashtu është shpallur qytetar nderi i Vitisë dhe kryetari i nderit i Këshillit kombëtar të grekëve të Serbisë, Hristos Aleksopulos, i cili ka marrë mirënjohje të veçantë.

Ndërkohë, Klna Kosova raporton se për ndarjen e këtij çmimi kanë reaguar zyrtarët e pushtetit legal në Viti.

Sipas tyre, ky është akt i strukturave paralele të Vitisë dhe si i tillë është i pavlefshëm.

Ndryshe, Vulin ka qenë drejtor i Zyrës qeveritare serbe për Kosovën dhe para se të bëhet qytetar nderi i Vitisë, është shpallur qytetar nderi edhe i Mitrovicës veriore dhe i Leposaviqit.

Askush nuk e dëshiron një mjekër të dyfishtë, por shumë prej nesh ka atë. Edhe njerëzit të cilët nuk janë në mbipeshë!

Ju mund të shtini në funksion çdo muskul të fytyrës dhe kjo do të ju ndihmoj shumë që ta largoni atë.

Draft-rezoluta për Shqipërinë, e përgatitur nga eurodeputeti Knut Flekenshtajn, do të diskutohet në Komitetin për Punë të Jashtme të Parlamentit të Evropës. Eurodeputetët pritet të nënvizojnë se zbatimi i reformave për pesë prioritetet kyçe i mundëson Shqipërisë hapjen e rrugës për fillimin e negociatave për anëtarësinë në Bashkimin Europian.RTV21

Dy serbë nga veriu i Mitrovicës janë në ndalim që nga e shtuna në lidhje me zhdukjen e 17 vjeçarit Sead Alushi në lumin Ibër.
Ata janë ndaluar për 48 orë më urdhër të prokurorit. Këtë e ka konfirmuar edhe zëvendësdrejtori i policisë së Kosovës Besim Hoti sipas të cilit kjo u bë me qëllim të masave të sigurisë për dy personat.
“Po janë ndaluar dy serbë, pronarë të shtëpisë ku të rinjtë shqiptarë kanë hyrë për të marrë disa qen”, tha Hoti për KosovaPress.
Sipas tij kjo është bërë me qëllim të masave preventive pasi që ata janë dëshmitarë të këtij rasti.
Në ndërkohë edhe sot po vazhdon kërkimi për gjetjen e 17 vjeçarit i cili dyshohet se ka rënë në lumin Ibër.
Kërkimet po bëhen nga ekipet e shpëtimit të FSK-së.RTV21

Një zjarr i madh ka përfshirë rajonin e Kakasias, në jug të Sibirit, si pasojë e të cilit kanë humbur jetën së paku 15 persona dhe është shkaktuar një dëm në vlerë prej 96 milionë dollarë, kanë njoftuar sot zyrtarët rajonal.
Sipas një zyrtari lokal, 78 persona janë dërguar në spital, si rezultat i zjarrit që po vazhdon që disa ditë dhe po përhapët si pasojë e motit të thatë dhe me frymë.
Sipas medieve ruse, me mijëra banorë të Kakazias kanë mbetur pa kulm mbi kokë si pasojë e zjarrit.

Samsung ka gati modelin e ri Galaxy A8 (SM-A800F), i cili pritet që rë jetë një ndër modelet mesatar më të mirë që ka sjellë deri më tani Samsung.
Galaxy A8 pritet të ketë kamerën me 5MP, dhe ekran prej 5.7 inç në Full HD Super AMOLED. Telefoni i ri nga Samsung do të jetë me dimensione 157.7×76.7×5.9 mm), në peshën prej 140 gramëve.
Procesori i Galaxy A8 pritet të jetë 64-bit”>64-bit octa-core Snapdragon 615 me 2GB RAM, 16GB memorie të brendshme, bateri të madhe me 3,050 mAh dhe Android 5.0.1

Avancimet teknologjike kanë qenë në rritje eksponenciale deri tani. Teknologjia është rrënjosur aq thellë në jetën tonë sa që është e vështirë tani të imagjinohet jeta pa të.
Teknologjia është e aftë për të krijuar lidhje të mëdha; kur ne i bashkojmë idetë natyrore dhe teknologjike, atëherë mund të kemi një harmonizim mes këtyre dhe të krijojmë gjëra të mëdha.

Imagjinoni se lidhja që Facebook po provon ta krijojë si një web global është e ndërlidhur me pulset elektromagnetike të zemrave tona. Në vend se t’i pyetni shokët përmes tastierës se si janë ata, ju ndjeni atë çfarë ata ndjejnë.

Ne vendosim se çfarë është dhe çfarë nuk është e mundur – qoftë nëse ne e dimë atë apo jo. Më poshtë do t’i gjeni arritjet e ardhshme teknologjike të cilat do t’ju lënë pa mend:

1. Bioteknologjia – Duar bionike të kontrolluara nga truri i njeriut!
Maxriter_pro-digits-bionic-fingers

Nëse një person do të pësojë një dëmtim të rëndë në dorë, ky opsion duket të jetë i përsosur! Duke pasur një dorë të ngjashme me atë që ka krijuar Zoti për ne, gjërat do të bëhen edhe më mirë këtu poshtë në Tokë.

Këto duar bionike janë komplet të kontrolluara nga truri dhe nuk ka nevojë për ndonjë operacion që t’i lidhim ato me trupin tonë. Këto duar do të kushtojnë sigurisht shtrenjtë, por do të fitohet mundësia për të pasur një dorë plotësisht funksionale në të ardhmen, transmeton Lajmi.net.

2. Arkitektura e ardhshme – Rrokaqiejt rrotullues në Dubai
021_DUBAI

Tashmë Dubai është i njohur për arkitekturën e mahnitshme. Kjo ndërtesë jo vetëm që është e bukur, por ajo lëvizë vazhdimisht. Keni dëgjuar ndonjëherë për të? Përderisa kjo mund të tingëllojë e pasigurt, ajo është e ndërtuar nga turbinat e erës të cilat krijojnë energji! Me kalimin e kohës, kjo ndërtesë do të prodhojë energji të mjaftueshme për vete dhe për ndërtesat rreth saj.

Është e përbërë nga 59 njësi të ndara ose kate të cilat rrotullohen rreth 6 metra për minutë që nuk vërehet fare. Do të dëshironit të jetonit në një ndërtesë të tillë?

3. Kapaciteti i kompjuterëve
computer_timeline

Ju kujtohet 10 vite më parë çfarë kompjuteri keni përdorur? A keni celular të mençur? Hapësirat për ruajtjen e të dhënave janë duke u bërë edhe më të mëdha, përderisa teknologjia në vetvete është duke u bërë më e vogël.

Shikojeni madhësinë e Mac Book Mini! Si mundet një pajisje kaq e hollë të jetë në gjendje të kryejë funksione aq mirë për një kohë të gjatë? Celularët janë bërë shumë të hollë gjithashtu, makinat faks, printerët, të gjithë.

Çfarë mendoni, si do të jetë teknologjia pas 5-10 viteve? A mendoni se ka teknologji e cila nuk është ende në dispozicion për publikun dhe mbahet sekret? Hulumtoni më shumë dhe do të shihni që po.

4. Transporti
tesla-motors_model-s

Ka shumë dizajne të veturave të cilat ecin përmes karburantit plotësisht të pastër që është gjerësisht i disponueshëm dhe plotësisht i pa dëmshëm. Përdorimi i gazit është reaksion kryesisht për shkak të parave dhe tërë industrisë.

Dizajnet e veturave si kjo e Tesla janë në drejtimin e duhur. Ato ende nuk janë gjerësisht në dispozicion, por do të bëhen shumë shpejtë. Njerëzimi do të ketë nevojë që të hartojë metoda të reja të transportit që i zëvendëson makinat e tanishme dhe madje edhe rrugët, transmeton Lajmi.net.

Idetë e teletransportit do të integrohen në realitetin tonë shumë shpejtë!

5. Komunikimi
ESP-Psychics-Explained-Telepathic-Communication-Spiritual-Power-Gifts-God-or-Satan-Telepathy-Orgin-The_Bible

Niveli ynë i komunikimit ka rënë së tepërmi pas shpërthimit të internetit, celularëve dhe kompjuterëve. Përderisa kjo teknologji janë të mahnitshme dhe kanë potencial që të na lidhin neve më tej, ato janë duke u keqpërdorur. Çka nëse e kombinojmë vetëdijen tonë me teknologji dhe nevoja jonë për teknologji fizike zhduket? A do të jetë kjo e mundur?

Në fund të fundit, çdo gjë është e mundur dhe e gatshme tani, qoftë edhe vetëm si koncept. Kur e zbatojmë atë në 3D, ideja është plotësisht e mundur të bëhet realitet.

Manifestimi i këtyre teknologjive ‘joreale’ qëndron në mes të artistit dhe inxhinierit. Në mes të vizionit dhe logjikës së projektimit të teknologjisë ekziston një krijim i pafund.

Në vitet e ardhshme edhe celularët do të zhduken, dhe njeriu do të bëhet vetë pajisja e cila do të ketë aftësinë të komunikojë me njerëzit nga një largësi e madhe përmes teknologjisë e cila do të integrohet në vetëdijen e njeriut.

Legjenda e skuadrës së Chelseas, Didier Drogba ka konfirmuar se dëshiron të luajë edhe sezonin e ardhshëm. 37-vjeçari pas fitores kundër skuadrës së QPR vendosi që të fliste për të ardhmen e tij, ndërsa ka konfirmuar dëshirën e tij për të luajtur edhe sezonin e ardhshëm. “Po, unë nuk mendoj se ky do të jetë sezoni im i fundit. Dua të luaj edhe sezonin e ardhshëm”, ishin fjalët e tij.