Zëvendëskryeministri i parë, Bekim Sali, i cili e arsyetoi propozim-ligjin, e quajti atë zgjidhje historike me të cilën pas 24 vitesh përfaqësimi i drejtë rregullohet me ligj.

“Ky ligj ka për qëllim që përfaqësimi i drejtë dhe meritokracia të ecin së bashku, sepse institucionet më të larta janë ato që janë profesionale dhe përfaqësuese. Gjithashtu, aspekti kryesor është fakti se ligji është i harmonizuar me Komisionin e Venecias. Pra bëhet fjalë jo për zgjidhje partiake, por për zgjidhje që është në përputhje me standardet evropiane dhe me shtetin e drejtë”, tha Bekim Sali – zëvendëskryeministri i parë.

Halil Snopçe nga Fronti Evropian kritikoi se propozim-ligji nuk është i mirë dhe se është vetëm një zgjidhje formale.

“Kemi një propozim-ligj pro-forma, por i njëjti nuk i plotëson standardet dhe nuk ka mekanizma, nuk ka kornizë kohore për këtë ligj. Partneri juaj VMRO-DPMNE i përgjigjet me një propozim-ligj formal, me të cilin pro-forma mbahet status quo”, u shpreh Halil Snopçe nga Fronti Evropian.

Për këtë replikoi Adnan Azizi nga VLEN, i cili tha se nuk duhet të minimizohet ky ligj që buron nga Marrëveshja Kornizë e Ohrit.

“Do t’ju lutesha që me simbole politike të mos e sensacionalizoni masën dhe opinionin dhe në mënyrë folklorike të mos tentohet të minimizohet një propozim-ligj që është historik dhe shumë i rëndësishëm për shqiptarët në Republikën e Maqedonisë së Veriut”, potencoi Adnan Azizi nga VLEN.

Skender Rexhepi e quajti propozim-ligjin skandaloz dhe të papërdorshëm.

“Që një propozim-ligj të jetë i suksesshëm duhet të ketë mekanizma që garantojnë suksesin. Mekanizmi i parë është që përfaqësimi i drejtë të ketë kuota etnike. Në mungesë të kuotave etnike, kjo do të thotë se ky propozim-ligj hidhet në kosh. Nëse gjatë punësimit nuk ka kuota që u garantojnë komuniteteve, atëherë ai propozim-ligj është i papërdorshëm”, theksoi Skender Rexhepi nga Fronti Evropian.

Sipas dispozitave, përfaqësimi i drejtë në institucione duhet të bazohet në të dhëna reale nga regjistrimi i fundit dhe në nevojat konkrete për punësim.

Mjeti i preferuar e momentit po kthehet në makthin e prindërve dhe mjekëve në Tetovë. Çdo javë, dyert e ortopedisë mbushen me fëmijë që pësojnë lëndime të rënda pas rënieve trotinetët elektrikë.

Mjeku Haris Karaxhenemi u bën thirrje prindërve që t’ua ndalojnë fëmijëve këto mjete, pasi pasojat mbi sistemin skeletor mund të jenë të pariparueshme për të ardhmen e tyre.

“Alarmant është numri i rasteve që paraqiten në ambulantën tonë, dhe është në rritje. Apelojmë prindërit dhe institucionet shtetërore që të bëjnë çmos për parandalimin e përdorimit të trotineteve nga fëmijët. Çdo javë kemi nga katër pesë raste lëndimesh të fëmijëve sidomos. Andaj edhe një herë të ndalohet përdorimi i trotineteve nga fëmijët. Disa nga këto lëndime shkaktohen edhe në zonat e rritjes së eshtrave mund të lënë pasoja për të ardhmen, deformitete gjatë zhvillimit apo rritjes së sistemit skeletor”, tha Haris Karaxhenemi.

Ky alarm ka vënë në lëvizje edhe Sektorin e Punëve të Brendshme në Tetovë. Policia ka shtuar dukshëm masat e kontrollit jo vetëm për trotinetët, por edhe për motoçikletat që qarkullojnë pa rregulla. Vetëm gjatë ditës së djeshme në rajonin e Tetovës janë zbuluar dhjetëra shkelje, ku nuk kanë munguar as konfiskimet e mjeteve.

“SPB Tetovë dhe MPB ka rritur masat dhe aktivitetet kontrolluese, me qëllim zvogëlimin e numrit të shkeljeve që ndodhin dhe sanksionimin e drejtuesve që nuk respektojnë rregullat. Vetëm dje në rajonin e Tetovës, janë konstatuar gjithsej dhjetë shkelje, pra pesë për mos mbajtje helmete mbrojtëse, katër drejtim i pakujdeshshëm i automjetit dhe janë konfiskuar motoçikletat, si dhe është konstatuar edhe një shkelje për drejtim të automjetit me kategori të papërshtatshme”, tha Fatmir Rexhepi.

Bilanci total i aksioneve të fundit nga njësiti mobil kap shifrën e 71 masave të shqiptuara për kundërvajtje dhe vepra penale në trafik. Autoritetet paralajmërojnë se kontrollet e rrepta do të jenë të vazhdueshme. Qëllimi është parandalimi i aksidenteve me pasoja fatale, përpara se trotinetet dhe motorët të marrin jetë njerëzish.

Ajo që u firmos nga të dyja palët, mori edhe vulën e BE-së.
Aplikimi i mjetit online për mësimin e të drejtave të njeriut për zyrtarët administrativë solli nënshkrimin e Memorandum bashkëpunimi ndërmjet Ministrisë së administratës publike dhe BE-së. Ministri Minçev tha se ky është një mjet për edukim plotësues të administratës publike, por jo kusht për hapat e BE-së.

“Kjo është pjesë e strategjisë për reformat në administratën publike 2023-2030, por është pjesë e agjendës sonë reformuese. Nëse mendoni konkretisht për plotësimin e hapave tonë drejt BE-së: Jo, por është një mjet që është pjesë e strategjisë më të gjerë, e cila mundëson edukimin që është një nga prioritet tona më të larta si Ministri e administratës publike dhe ndërlidhet me ligjin e miratuar për formimin e akademisë, e cila duhet të funksionoj praktikisht nga 01.01.2027”, tha Goran Minçev.

Projektit për sundimin e ligjit mbështet nga Bashkimi Evropian dhe gjatë promovimit të mjetit online të edukimit të Administratës publike, Ambasadori i BE-së në Shkup Mihalis Rokas tha se vendet kandidate duhet t’i avancojnë praktikat anti-diskriminuese, barazinë shoqërore dhe mbrojtjen e të drejtave klasore.

“Si të respektoni të drejtat e njeriut dhe të luftoni kundër të gjitha forcave diskriminuese, pavarësisht origjinës dhe kushteve të secilës shoqëri. Të drejtat e njeriut nuk janë principe abstrakte, por janë themele të dinjitetit njerëzor, kohezionit social dhe rezistencës demokratike, duke i fuqizuar individët për të ndërtuar gjithëpërfshirje demokratike dhe shoqëri rezistente ndaj diskriminimit e korrupsionit”, tha Mihalis Rokas.

Sipas autoriteteve, numri i administratës publike, pa përjashtuar as Ministrinë e Brendshme dhe Ministrinë e Mbrojtjes, është rreth 130 mijë të punësuar. Nga ky numër ka një ulje të natyrshme, por edhe ngritje të natyrshme si plotësim i vendeve që janë liruar në administratë, bie fjala pensionimet ose riorganizimet, por Minçev tha se nuk ka përjashtime nga puna e shtetit.