Shtetasi i Maqedonisë ndalohet në “Bllacë”, doganierët gjetën ar në vlerë të rreth 24 mijë eurove në veturën e tij

By
Desk
-
0

Një ekip mobil i Doganave të Maqedonisë së Veriut ka parandaluar një tentativë për kontrabandimin e stolive prej ari me vlerë të përgjithshme prej rreth 1.5 milion denarësh (rreth 24 mijë euro).

Rasti është zbuluar në hyrje të vendit, në pikën kufitare Bllacë, ku inspektorët e Departamentit për Çështje Operative, pas dyshimeve të bazuara, kanë kryer kontroll të një automjeti të drejtuar nga një shtetas i Maqedonisë së Veriut.

Gjatë kontrollit janë gjetur ar i thërrmuar dhe stoli prej ari me peshë totale prej 324.7 gramësh. Sipas autoriteteve doganore, sendet ishin mbështjellë në një qese të zezë dhe ishin fshehur në ndarjen poshtë ulëses së shoferit, me qëllim shmangien e kontrollit doganor.

Lënda i është dorëzuar Departamentit të Hetimeve, i cili ka paraqitur kallëzim penal ndaj personit me inicialet I.M. në Prokurorinë Publike të Shkupit për veprën penale të kontrabandës, e paraparë dhe e dënueshme sipas Kodit Penal.

Ministria e Financave: Janë paguar mbi 2 miliardë denarë subvencione për kultivuesit e duhanit

By
Desk
-
0

Ministria e Financave ka bërë të ditur se janë ndarë subvencion prej 2 miliardë denarësh për kultivuesit e duhanit. Këto mjete janë për 15.144 kultivues

“Sot, Ministria e Financave ka paguar 2.028.714.243 denarë subvencione për duhanin e kultivuar dhe dorëzuar nga mbledhja e tij për vitin 2025, mjete të destinuara për 15.144 kultivues duhani.
Me këtë pagesë konfirmohet përcaktimi i Qeverisë për përkrahjen e vazhdueshme dhe në kohë të bujqësisë, si një nga degët kryesore të ekonomisë në shtet, me fokus të veçantë në kultivimin e duhanit si aktivitet bujqësor strategjik dhe tradicionalisht i rëndësishëm.
Përmes pagesës së rregullt dhe në kohë krijohen kushtet për stabilitet më të madh financiar ndaj bujqve, mirëmbajtje të prodhimit dhe zhvillim të mëtejshëm të zonave rurale. Qeveria dhe Ministria e Financave mbeten të angazhuara ndaj politikave të cilat do të sjellin konkurrencë më të madhe të bujqësisë vendore, të hyra më të larta për bujqit dhe zhvillim të qëndrueshëm të sektorit agrar”, thotë Ministria e Financave 

Netanyahu: Duhet të mbesim vigjilentë, lufta s’ka përfunduar

By
Desk
-
0

Kryeministri i Izraelit, Benjamin Netanyahu, ka thënë se lufta nuk ka mbaruar dhe ka thënë se Izraeli duhet të mbetet vigjilentë. 

Netanyahu ka mbajtur një konferencë për media në Jerusalem. Ai ka thënë se ndonëse “Izraeli është shpëtuar nga asgjësimi i plotë, prapë lufta s’ka mbaruar”. 

“Duhet të mbesim vigjilentë dhe të mbrojmë veten aq sa është e nevojshme”, tha Netanyahu, transmeton “BBC’. 

Më pas Netanyahu tha se Izraeli “do të mbetet në zonën e sigurisë për aq kohë sa të jetë e nevojshme”.

“Izraeli është më i fortë se kurrë dhe boshti iranian i së keqes është më i dobët se kurrë”, shtoi ai.
Netanyahu tha se ka disa raste kur ai dhe presidenti i SHBA-së, Donald Trump, nuk bien dakord për gjithçka, por shtoi se ai do t’i mbrojë interesat e Izraelit.

Netanyahu tha se është i përkushtuar që njerëzit të kenë siguri në veri të Izraelit, që kufizohet me Libanin.

Apple hetohet nga Italia

By
Desk
-
0

Autoriteti italian i konkurrencës ka njoftuar se ka hapur një hetim ndaj Apple lidhur me respektimin e detyrimeve për ndërveprueshmëri, sipas Aktit për Tregjet Digjitale të Bashkimit Evropian, raportoi të hënën Reuters.

Sipas rregullave të DMA-së, Apple është e detyruar të sigurojë që ofruesit e tjerë të shërbimeve cloud për konsumatorët të mund të ndërveprojnë në mënyrë efektive dhe pa pagesë me komponentët harduerikë dhe softuerikë të kontrolluar përmes sistemeve operative iOS dhe iPadOS. 

Gjithashtu, këta ofrues duhet të kenë qasje të barabartë me shërbimin cloud të vetë kompanisë, iCloud.

Në një deklaratë zyrtare, autoriteti italian tha se ka prova që ofruesit e tjerë të shërbimeve cloud nuk ndodhen në të njëjtën pozitë si iCloud, pasi nuk duket se kanë qasje në të njëjtët komponentë që përdoren ose vihen në dispozicion për shërbimin e Applet.

Ky është hetimi i parë i nisur nga rregullatori italian në kuadër të Aktit për Tregjet Digjitale, i cili u jep autoriteteve kombëtare të konkurrencës të drejtën të kryejnë hetime paraprake mbi zbatimin e rregullave.

Autoriteti italian bëri të ditur se rezultatet e hetimit do t’i përcillen Komisionit Evropian, i cili ka kompetencën për të marrë vendime përfundimtare në kuadër të zbatimit të DMA-së.

Rasti mund të ketë ndikim të rëndësishëm në mënyrën se si Apple ofron qasje në ekosistemin e saj digjital dhe në konkurrencën mes ofruesve të shërbimeve cloud në tregun evropian.

Vetëvendosje siguron edhe ulësen e 52-të në Kuvendin e Kosovës

By
Desk
-
0

Lëvizja Vetëvendosje ka siguruar sërish mandatin e 52-të në Kuvendin e Kosovës, pas përditësimit më të fundit të rezultateve zgjedhore, ku deri tani janë numëruar 93.63% e votave.

Si pasojë e këtij zhvillimi, Partia Demokratike e Kosovës ka humbur një ulëse parlamentare, duke zbritur nga 23 në 22 deputetë.

Ndërkohë, procesi i numërimit të votave të ardhura me postë vazhdon ende. Sipas të dhënave aktuale, Lidhja Demokratike e Kosovës renditet me 19 mandate, ndërsa Aleanca për Ardhmërinë e Kosovës me 7 mandate në Kuvend.

Ky rishpërndarje e mandateve ka ndikuar drejtpërdrejt te PDK-ja, e cila tashmë përfaqësohet me 22 deputetë në legjislaturën e re.

Tetë të vdekur pas rrëzimit të një avioni ushtarak amerikan

By
Desk
-
0

Tetë persona, përfshirë dy punonjës të Boeingut, kanë humbur jetën pasi një avion luftarak B-52 i Forcave Ajrore të SHBA-së u rrëzua menjëherë pas ngritjes nga Baza Ajrore Edwards në jug të Kalifornisë.

Ngjarja ndodhi të hënën derisa avioni ishte në një rutinë testimi. Rrëzimi shkaktoi re të madhe tymi të zi që mund të shihej nga kilometra larg.

“Sot, Baza Ajrore Edwards përjetoi një tragjedi të tmerrshme dhe ne humbëm tetë amerikanë të shkëlqyer”, tha koloneli James Hayes, duke i përshkruar ata si një “ekuipazh të përzier ushtarakësh, civilësh qeveritarë dhe kontraktorësh të qeverisë”.

Baza kishte deklaruar më herët se të dhënat fillestare tregonin se nuk kishte të mbijetuar nga aksidenti.

Sipas Hayes, aksidenti ishte “plotësisht i kufizuar” brenda Bazës Ajrore Edwards, në pistën e ngritjes dhe uljes, ndërsa aktivitetet në bazë janë pezulluar përkohësisht.

Ai shtoi se bombarduesi B-52 po mbështeste programin e modernizimit të radarëve të bazës dhe u rrëzua menjëherë pas ngritjes, duke u përfshirë nga flakët.

BE hap klasterin e parë të negociatave për Ukrainën dhe Moldavinë

By
Desk
-
0

Bashkimi Evropian ka ndërmarrë një “hap historik” në procesin e integrimit të Ukrainës dhe Moldavisë, duke hapur zyrtarisht grupin e parë të kapitujve të negociatave, të njohur si “cluster”, që lidhet me sundimin e ligjit dhe luftën kundër korrupsionit.

Presidenti i Këshillit Evropian, António Costa, e cilësoi këtë zhvillim si të rëndësishëm për të ardhmen e dy vendeve brenda BE-së, megjithatë ceremonia në Luksemburg u mbajt me tone të përmbajtura. Procesi i hapjes ishte bllokuar për rreth një vit e gjysmë për shkak të vetos së Hungarisë.

Pavarësisht këtij hapi, disa shtete anëtare ende tregohen të kujdesshme për përshpejtimin e procesit të zgjerimit. Komisioni Evropian ka rekomanduar hapjen e të gjithë pesë “cluster”-ëve, por ende nuk ka konsensus mes 27 vendeve anëtare.

Zëvendëskryeministri ukrainas, Taras Kachka, deklaroi se të gjitha grupet janë gati për miratim formal, por nevojiten edhe disa ditë diskutimesh. Ai shtoi se vendimi mund të merret brenda disa javësh, varësisht nga shpejtësia e BE-së.

Ndërkohë, komisionerja për Zgjerimin, Marta Kos, synon që të gjithë “cluster”-ët të hapen para pushimit të verës.

VLEN: Autostrada nuk kalon te tokat e tyre, prandaj bëjnë zhurmë

By
Desk
-
0
VLEN
VLEN

VLEN tha se reagimet e opozitës në lidhje me autostradën Shkup-Bllacë, janë vetëm për arsyet që projekti “nuk kalon aty ku për vite janë bërë hesape dhe janë blerë toka me shpresën e përfitimeve milionëshe nga shpronësimi”. VLEN tha se ky projekt është strategjik, por që është zvarritur dhe mbeti peng i interesave duke shtuar se tani, i gjithi do të realizohet në praktikë.

“Piskamat e BDI-së për Autostradën Shkup-Bllacë kanë vetëm një arsye; trasa nuk kalon aty ku për vite janë bërë hesape dhe janë blerë toka me shpresën e përfitimeve milionëshe nga shpronësimi.

Për herë të parë fitojnë qytetarët, e jo interesat partiake.

Kjo është arsyeja e vërtetë e zhurmës së tyre. Përpjekja që autostrada të shërbejë për interesa individuale dhe jo për interes të qytetarit ka dështuar. Trasa po realizohet sipas zgjidhjes profesionale dhe në dobi të qytetarëve, jo sipas planeve të atyre që menduan se do të pasuroheshin nga kjo rrugë.

Për vite me radhë ky projekt strategjik u zvarrit dhe mbeti peng i interesave të ngushta. Sot, kur më në fund po avancon, përfitues nuk do të jenë individë të privilegjuar, por qytetarët, bizneset, ekonomia dhe lidhja strategjike me Kosovën.

VLEN nuk është në qeveri për të mbrojtur interesa private, por për të realizuar projekte që për dekada janë përdorur vetëm për propagandë politike. Autostrada Shkup-Bllacë është një prej projekteve që dëshmon dallimin mes atyre që flisnin për zhvillim dhe atyre që po e realizojnë atë në praktikë.

Autostrada Shkup-Bllacë është dëshmia më e mirë e dallimit mes dy qasjeve politike: 24 vite premtime pa realizim dhe 24 muaj angazhim që e çojnë projektin drejt përfundimit”, tha VLEN.

Moti sot në Maqedoni

By
Desk
-
0

Moti sot në Maqedoninë e Veriut do të jetë me vranësira dhe diell. Pasdite pritet të ketë reshje lokale të shiut.

Temperaturat minimale do të lëvizin nga 9 deri 18, ndërsa temperaturat maksimale do të lëvizin nga 28 deri 34 gradë celsius.

Gjatë ditës së mërkurë moti pritet të jetë me reshje shiu, ndërsa nga e enjtja pason mot me diell dhe vranësira.

Trump: Marrëveshja me Iranin është plotësisht e nënshkruar

By
Desk
-
0

Presidenti i Shteteve të Bashkuara të Amerikës, Donald Trump, ka thënë se marrëveshja mes SHBA-së dhe Iranit është “plotësisht e nënshkruar”, raporton “BBC”. 

Trumpi i bëri këto komente gjatë takimit me presidentin e Francës, Emmanuel Macron, në Francë. 

“Jam shumë i lumtur të them se është nënshkruar, marrëveshja është plotësisht e nënshkruar”, tha Trump.

Deklaratat e Trumpit erdhën pasi zyrtarë të lartë të administratës thanë se memorandumi i mirëkuptimit u nënshkrua në mënyrë elektronike nga Trump, zëvendëspresidenti i SHBA-së, JD Vance dhe kryetari i Parlamentit të Iranit, Mohammad Bagher Ghalibaf. 

Kjo erdhi pasi zyrtarë të lartë të administratës thanë se memorandumi i mirëkuptimit (MOU) u nënshkrua në mënyrë elektronike nga Trump, Zëvendëspresidenti JD Vance dhe Kryetari i Parlamentit të Iranit, Mohammad Bagher Ghalibaf.

Ceremonia zyrtare e nënshkrimit do të mbahet të premten në Gjenevë. 

Duke iu referuar sulmeve amerikane ndaj Iranit javën e kaluar, Trump tha se “u ndje keq që na u desh të kalonim në sulm për dy net”.

Ai tha se shpreson që SHBA-ja dhe Irani të zhvillojnë një marrëdhënie të mirë, por shtoi se “nëse nuk ndodh kështu, kthehemi aty ku e nisëm, por nuk besoj se do të jetë e nevojshme”.

I pyetur nëse do të marrë pjesë në ceremoninë zyrtare të nënshkrimit në Geneva, Trump tha se zëvendëspresidenti JD Vance do të jetë ai që do ta nënshkruajë marrëveshjen.

Trump tha se marrëveshja me Iranin nuk përfshin lehtësimin apo heqjen e sanksioneve ndaj Iranit. 

“Kjo ka të bëjë me sjelljen. Nëse ata bëjnë atë që duhet të bëjnë, atëherë kjo fillon të hyjë në fuqi”, tha Trump. 

E një zyrtar i SHBA-së i ka thënë BBC-së se marrëveshja nuk përfshin Libanin, porse diskutimet direkte mes Izraelit dhe Libanit po ndodhin. 

“Nëse Irani nuk është në gjendje ta kontrollojë Hezbollahun dhe nëse ata sulmojnë pozicionet izraelite apo qytetet izraelite, atëherë Izraeli ka të drejtë ta mbrojë veten e të reagojë”, tha zyrtari. 

1...101112...13,015Page 11 of 13,015