Ndryshimet e Ligjit largojnë bastoret nga shkollat! Reagon Asociacioni i bastoreve: 8 mijë persona do të mbeten pa punë

Në Regjistrin elektronik nacional më 21 janar 2021, Ministria e Financave publikoi fillimin e procesit për ndryshimin e ligjit për lojërat e fatit, por këtë gjë po e kundërshton Asociacioni i Basteve Sportive.
Largimi i bastorëve nga shkollat dhe universiteteve do të thotë që do të mbyllen 98% e pikave të pagesës dhe mbylljen e gjithë industrisë, tha sot para Qeverisë Vasko Ilievski, kryetar i Asociacionit të Basteve Sportive. Shtoi se një zgjidhje e tillë ligjore do t’i hapë rrugë ekonomisë së zezë dhe basteve të paligjshme.

“Distanca prej 500 metrash të objekteve tona të biznesit nga shkollat dhe institucionet e arsimit të lartë. Sipas analizave që kemi bërë, kjo nënkupton mbyllje e 98% e pikave të pagesës, respektivisht mbyllje e gjithë industrisë. Kjo rrezikon drejtpërdrejt ekzistencën e pothuajse 8.000 familjeve, pra 8.000 të punësuarve në industrinë e lojërave të fatit të cilët do të humbin punën e tyre brenda natës”, tha Vasko Ilievski – kryetar i Asociacionit të Basteve Sportive.

Për Asociacionin e Bastoreve më herët kishte reaguar Lëvizja “Anti-bixhoz” duke theksuar se duhet të bëhet dallimi mes Lëvizjes “Anti-bixhoz” dhe “Asociacionit të Bastoreve”. Nga kjo Lëvizje u apelojnë institucioneve që të bëjnë dislokimin e lojërave të fatit. Sipas tyre, këto janë dy çështje jetike.

“Lëvizja “Anti-Bixhoz”, dallon shumë nga “Asociacionit të Bastoreve”. Derisa ne kërkojmë dislokimin e objekteve të lojërave të fatit, tre kilometra larg vendbanimeve, ata kërkojnë vërshim të objekteve të tilla ku klientët kryesisht janë fëmijët dhe prindërit e dëshpëruar. Ata shtiren kinse mërziten për 7.700 të punësuar harrojnë për 1 milion të tjerë pa fije shprese për jetë të cilët kanë ngelë rrugëve sat ë mjerë janë”, thonë nga Lëvizja”, u shpreh Xhemal Abdiu nga Lëvizja Anti-bixhoz. (09/02/2020)

Ministri i Financave Fatmir Besimi që në shtatorë paralajmëroi një ligj, për të cilin do të debatohej publikisht, për sa i përket lokacionit të bastoreve.

“Ne në program të Qeverisë e kemi të shkruar që do të iniciojmë një ligj i cili do të jetë me një debat publik të hapur si me përfaqësues të qytetarëve ashtu edhe me të sektorit privat që janë të asaj lëmije me qëllim që të hartohet një ligj i cili do të jetë objektiv dhe synimi do të duhet të jetë pozicioni i tyre dhe lokacioni i tyre të jenë më larg objekteve shkollore dhe çerdheve dhe objekteve fetare dhe kjo do të jetë në një proces të hapur dhe transparent”, theksoi Fatmir Besimi – Ministër i Financave. (17.09.20)

Studentët kanë bërë një “challenge” përmes se cilit tregojnë problemet që nuk i duan në qytetin e tyre.

Alejna Arsllani, nga Tetova thotë se në qytetin e saj nuk do që për çdo ditë të hapen kazino të reja.

“Ajo e cila nuk e dua në Tetovë padyshim është hapja e vazhdueshme e kazinove dhe bastoreve të cilët janë një dukuri mjaftë negative”, potencoi Alejna Aarsllani – studente.