Moti sot do të jetë me diell dhe me vranësira të vogla deri mesatare lokale. Do të fryjë erë e dobët deri mesatare, ndërsa në disa vende përgjatë luginës së Vardarit herë pas here erë më e fuqishme nga drejtimi verior.
Temperatura minimale do të lëvizë nga 7 deri në 16 gradë, ndërsa maksimalja do të arrijë nga 23 deri në 31 gradë Celsius.
Në Shkup, moti do të jetë me diell dhe me pak vranësira. Do të fryjë erë e dobët deri mesatare nga veriu. Temperatura minimale do të zbresë deri në 12 gradë, ndërsa maksimalja do të arrijë deri në 28 gradë.
Edhe nesër moti do të mbetet stabil. Do të fryjë erë mesatare, herë pas here e përforcuar nga veriu. Nga e diela, në orët e pasdites, sërish pritet paraqitje lokale e motit jostabil me reshje të rrëmbyeshme shiu, bubullima dhe erë të fuqishme.