Mijëra tetovarë protestojnë kundër shtrenjtimit të rrymës! EVN-së i hedhin thasë me para

TË FUNDIT

Për të pestën herë me radhë në Tetovë u protestua kundër shtrenjtimit të energjisë elektrike. Rreth 5 mijë qytetarë nga sheshi i qytetit filluan marshin e tyre protestues deri tek kompania EVN.

“Kemi ardhur këtu që edhe njëherë të shprehim pakënaqësinë ndaj kompanive që na vjedhin, na rrjepin dhe na zhvasin, por edhe ndaj autoriteteve që janë treguar të shurdhra deri më tash dhe nuk kanë bërë hapa pozitave për t’i zgjidhur problemet; në mënyrë shumë simbolike ju kemi sjellë të gjitha paratë që kemi mundur ti grumbullojmë se nuk kanë të ngopur këta hajdutë, këta zhvatës prandaj në mënyrë simbolike i kemi sjellë dy thasë me para ndoshta do të ngopen një ditë”, tha Arijanit Xhefari nga Këshilli Organizativ.

Para EVN-së të gjithë qytetarët u ulën në tokë para policisë të cilët kishin bërë një kordon policor, organizatorët në mënyrë simbolike hodhën dy thasë me para në mënyrë simboli për treguar pa ngopësin e kompanive ndaj qytetarëve.

Profesori Jeton Shasivari thotë se kërkesat janë legjitime dhe kanë bazë kushtetuese.

“Mesazhi është se kërkesat janë legjitime dhe janë legale për shkak se kanë bazë kushtetuese shtete në bazë të nenit 55 të Kushtetuës duhet të merr masa ndaj pozitës monopolistike dhe sjelljes monopolistike ndaj kompanisë zhvatëse që shtrenjtojnë rrymën elektrike jashtë të gjitha normave dhe ne si Maqedoni e Veriut kemi çmimin më të shtrenjtë ne Evropë dhe porosia e kësaj proteste dhe të ardhshme është drejtësia sociale që shteti të merr për sipër që të rregulloj këtë çështje” tha Shasivari nga iniciativa “Boll Më”.

Qytetarët të revoltuar ndaj mos reagimit të institucioneve dhe policisë që sipas tyre mbron kompanitë dhe jo ata.

“A nuk është turp policia mbron ata i kanë gjetur shqiptarët si qengj dhe rrinë, shko atje ka Velesi Shtipi a paguajnë rrymë a jo, turpi i madh është, si në komunizëm si në Jugosllavi, si në Bullgari si në Maqedoni shqiptarëve u rrinë tek koka”, tha një protestues.

Protesta u shpërnda në mënyrë të qetë, ndërsa gjatë ditës së sotme është protestuar edhe në disa qytete të tjera të Maqedonisë.

error: Content is protected !!