Ka mjaftueshëm vaksina dhe të gjithë personat që nuk janë vaksinuar kundër kollës së madhe do të ftohen për imunizim, thotë Ministri i Shëndetësisë Fatmir Mexhiti. Përfshirja me këtë vaksinë është shumë e ulët andaj ministri apelon për imunizim që të mos vijë deri te ndonjë epidemi e mundshme.
“Nga dje kemi dhënë urdhër që të kontrollohen të gjithë kartonët vaksinal të foshnjave që të mund të ftohen për vaksnim të gjithë qytetarët që nuk janë ftuar. Ftoj të gjithë qytetarët që për të mirën e fëmijëve të tyre dhe qytetarëve tjerë dhe të vendit, të parandalojmë disa punë sepse kemi numër të mjaftueshëm të vaksinave, edhe më shumë se sa duhen, pra jemi të përgatitur në këtë aspekt.”- deklaroi Fatmir Mexhiti – Ministër i Shëndetësisë.
Në vendin tonë brenda pak ditësh, janë regjistruar dy raste të kollës së madhe. Një person nga Kërçova dhe një foshnjë tre mujore që po trajtohet në Institutin e sëmundjeve të Mushkërive “Kozle”. Për TV21 nga Kozle thonë se foshnja është në gjendje stabile shëndetësore.
“Fëmija i prekur me pertusis i shtrirë te ne është në gjendje të mirë, të them relativisht të mirë dhe nuk ka nevojë për ndonjë terapi intensive, por duhet të kalojë pak kohë sa të përmirësohet organizimi ngaqë është sëmundje serioze. Momentalisht është me kollë pak më të rrallë, kemi një gjetje radiologjikisht diskrete, pa ndryshime të mëdha inflamatore.”- tha Biljana Ivanova-Dimçeva – mjeke në spitalin “Kozle”.
Për momentin nuk ka informacione nëse dhe kur do të mblidhet Komisioni për Sëmundjet Infektive. Kolla e cila e bënë të vështirë frymëmarrjen manifestohet nëpërmjet një infeksioni që fillon në fyt. Sëmundja transmetohet përmes kollitjes dhe teshtitjes dhe personi i infektuar mund ta transmetojë atë edhe 3 javë pas shfaqjes së simptomave të para. Sëmundja zgjat nga 2 deri në 3 javë, dhe në disa raste nga 2 deri në 3 muaj. Kategoria më e cenueshme janë fëmijët e vegjël dhe foshnjat, por sëmundja mund të shfaqet edhe tek të rriturit. Ndryshe, kolla e mirë, e cila është shumë ngjitëse, prek rajonin. Në Beograd është shpallur një epidemi me mbi 400 raste dhe në të gjithë Serbinë janë mbi 900 të infektuar. Në Kroaci, rreth 4000 fëmijë të sëmurë dhe para Vitit të Ri, një foshnjë dy muajsh e gjysmë në Bosnje vdiq nga ky infeksion i fortë bakterial.