Masat e reja kufizuese “trokitën në derë”! Hotelierët akuzojnë: Kjo është farsë, Qeveria nuk ka respekt

Hotelierët frikësoheshin nga masa të reja, por ato trokitën në derën e tyre. Ndodhi ajo nga e cila kishim frikë. Sot ishim vetëm si mysafirë në Komisionin për Sëmundje Ngjitëse, ku na ishte thënë se planifikohet që objektet hotelierike të mbyllen në orën 18, reagon kryetari i Odës së Pavarur të Hotelierisë.

“Ndodhi pikërisht ajo që supozuam se do të ndodhë. Asnjë nga kërkesat tona jo vetëm që nuk ishte shqyrtuar, diskutuar apo biseduar, por të gjitha kërkesat ishin hedhur poshtë ad-hok, sepse vendimi për mbyllje, respektivisht për kufizim të objekteve hotelierike ishte marrë para kohe”, deklaroi Zdravko Josifovski – Oda e Pavarur e Hotelierisë.

Kjo është vetëm një farsë dhe u tregua se vendimet që Qeveria ka vendosur t’i marrë pa marrë parasysh gjendjen reale, do të miratohen, theksoi Josifovski. Ai rikujtoi se kërkesa e tyre është që t’u lejohet që të paktën për natën e fundvitit të punojnë deri në orën 1 pas mesnatës, që të mund, siç thonë, qytetarët në mënyrë të denjë t’i festojnë festat. Hotelierët reagojnë për mungesë respekti nga ana e Qeverisë, e cila, nga një anë e kufizon orarin e tyre të punës, e nga ana tjetër u shkakton dëme financiare dhe probleme. 

“Është fakt se nëse e pranon këtë rekomandim, Qeveria duhet të mendojë se në ç’mënyre do t’i kompensojë dëmet që do të dalin nga kufizimi i objekteve hotelierike. Dëmet nuk mund t’i vlerësojmë më”, potencoi Zdravo Josifovski nga Oda e Pavarur e Hotelierisë.

Paratë të cilat i kanë marrë nga shteti përmes pakove ekonomike mjaftuan vetëm për pagesë të rrogave të të punësuarve, por jo edhe për riparim të dëmeve të mëdha, ankohen pronarët.

 “Unë mendoj se nuk ka qenë e mjaftueshme sepse ndihma është e dhënë vetëm për punëtorët e tash unë si biznes, si pronar ose menaxher, unë nuk kam pas ndihmë. Po, e kanë heq një brengë që punëtorët na i kanë mbuluar me paga mirëpo unë si pronar si biznes, prej të cilit varem, sepse unë nuk kam biznese të tjera, unë kam mbetur as këndej, as andej”, potencoi Jeton Sinani.

Objektet hotelierike nuk janë burim i infeksionit, me përjashtim të atyre që nuk i respektojnë protokollet, shtojnë nga kjo Odë.