“Drejtoria e Policisë Financiare ka ngritur padi penale në më shumë baza kundër 11 personave fizik, si dhe kundër 14 personave juridik, të cilët nga 1 janari i vitit 2015 deri më 10 tetor të vitit 2019 në mënyrë të paligjshme kanë përfituar pronë në vlerë prej mbi 146 milion denarëve.
Kumtuan nga Drejtoria e Policisë Financiare”, Afrim Jonuzi, gazetar.
Sipas Policisë Financiare, me fatura fiktive për shitje të mallrave dhe shërbimeve në FFM, personat kanë arritur pasuri të jashtëligjshme.
“Personat fizik dhe personat juridik apo kompanitë dyshohen se kanë kryer larje parash, keqpërdorim të autorizimit zyrtar, se kanë punuar në mënyrë joadekuate, si mashtrim, falsifikim dhe shkatërrim të dokumenteve. Sipas Policisë Financiare, me fatura fiktive për shitje të mallrave dhe shërbimeve në FFM, personat kanë arritur pasuri të jashtëligjshme”, thonë nga Policia Financiare.
Muhamed Sejdini, kryetari i FFM-së ka deklaruar se më 10 tetor 2019 në organet hetimore ka raportuar dyshime për krim financiar.
Sipas Sejdinit në periudhën e kaluar, Federata e Futbollit të Maqedonisë pati bashkëpunim intensiv me organet shtetërore të hetimit, veçanërisht me Policinë Financiare.
“Si president i Federatës së Futbollit të Maqedonisë me 10 tetor 2019 në organet hetimore të shtetit kam raportuar dyshime për krim financiar në lidhje me abuzim të pozitës dhe autorizimeve zyrtare, për pastrim të parave dhe të ardhurave tjera si vepra të dënueshme dhe mashtrim në detyrat e punës nga ana e ish-udhëheqëses së Departamentit të Finansave në FFM dhe N.N. persona”, thotë Presidenti i FFM-së, Muhamed Sejdini.
Vlera e dëmit është 146 milionë e 770 mijë e 172 denarë, njoftuan nga Drejtoria për Polici Financiare.