Kryeparlamentari Xhaferi pret në takim kryeministrin e Kosovës Hoti

TË FUNDIT

Greqi, 2.135 raste të reja me Covid-19 dhe 101 viktima

Në 24 orët e fundit, në Greqi sërish është rritur numri i rasteve të vdekjes  nga Kovid-19,...

Austria planifikon të nisë vaksinimin për koronavirus

Austria planifikon të nisë fushatën e vaksinimit kundër koronavirusit në muajin janar, ka thënë Ministri i Shëndetësisë...

Pensilvania e konfirmoi fitoren e Bajdenit në zgjedhjet në SHBA

Pensilvania zyrtarisht e konfirmoi fitoren zgjedhore të demokratit Xho Bajden në shtet mbi Donald Trampin, një ditë...

Ahmeti: Gjykim ndaj UÇK-së, e jo ndaj individëve! “Gur mbas guri bëhet kalaja, fjalë pas fjale nis belaja”

https://youtu.be/_a_1XXERP0E Procesi gjyqësor që po zhvillohet në Hagë nuk është kundër individëve,...

Shteti do të paguaj 100 euro në ditë për pacient! “Malla Bogorodica” e Kamçevit Covid qendër e re

https://youtu.be/XbXU7NcmJDo Filloi që të pajiset me mjete mjekësore qendra e re kovid...

Kryetari i Kuvendit të Republikës së Maqedonisë së Veriut, Talat Xhaferi, sot realizoi takim me Kryetarin e Qeverisë së Republikës së Kosovës, Avdullah Hoti, në kuadër të vizitës së tij zyrtare në Republikën e Maqedonisë së Veriut. Në përbërje të delegacionit ishin edhe Driton Selmanaj, zëvendës-kryeministër i Qeverisë dhe Meliza Haradinaj Stubll, ministre e Punëve të Jashtme dhe e Diasporës e Republikës së Kosovës.

Siç informojnë nga kabineti i Xhaferit, në takim u shpreh kënaqësi për marrëdhëniet e shkëlqyera bilaterale dhe bashkëpunimin e suksesshëm ndërmjet dy vendeve mike, që karakterizohen me mbështetje dhe respekt të ndërsjellë.

Kryetari Xhaferi e theksoi bashkëpunimin pozitiv dhe konstruktiv ndërmjet Kuvendeve të Maqedonisë së Veriut dhe Republikës së Kosovës dhe shprehu pritje për intensifikimin e dialogut politik përmes mbajtjes së seancës së parë të përbashkët ndërmjet qeverive të dy vendeve.

Ai vlerësoi se dërgimi i 44 pjesëtarëve të Armatës së Maqedonisë së Veriut në përbërje të KFOR-it, si rotacioni jonë i parë në mision të paraprirë nga NATO, pas fitimit të statusit të anëtarët të plotfuqishëm në Aleancë, do të kontribuojë në stabilitetin e mëtejmë si të Kosovës, ashtu edhe të gjithë rajonit.

Xhaferi theksoi se Republika e Maqedonisë së Veriut i mbështet në mënyrë parimore aspiratat euro-atlantike të Republikës së Kosovës dhe në vazhdimësi shpreh gatishmëri për ndarjen e përvojave në këto procese. Njëherazi,ai shprehu shpresë për përparim kualitativ të Kosovës në integrimin në BE, si edhe fitimin e liberalizimit të vizave.

Kryetari i Kuvendit të Republikës së Maqedonisë së Veriut shprehu mbështetje për dialogun Beograd – Prishtinë, me bindje se do të arrihet një zgjidhje e qëndrueshme e pranueshme për të dyja palët dhe e përshëndeti Marrëveshjen për normalizimin e marrëdhënieve ekonomike ndërmjet Kosovës dhe Serbisë, të nënshkruar në Uashington.

Kryetari i Qeverisë së republikës së Kosovës, Avdullah Hoti, përgëzoi për ndryshimet e rëndësishme, për reformat e jashtëzakonshme dhe përparimin që e arriti Republika e Maqedonisë së Veriut, duke vlerësuar se me këtë është krijuar një moment i ri për zhvillimin dhe stabilitetin e tërë rajonit. Ai foli për gjendjen në Kosovë, sidomos në planin e eurointegrimeve dhe e theksoi interesin për realizimin e projekteve të bashkëpunimit ndërkufitar ndërmjet Maqedonisë së Veriut dhe Kosovës, të financuara nga Be-ja.

Xhaferi dhe Hoti folën për bashkëpunimin ekonomik dhe projektet me prioritet për ndërlidhjen infrastrukturore ndërmjet Maqedonisë së Veriut dhe Kosovës, me qëllim të afrimit plotësues të dy vendeve dhe mundësimit të qarkullimit të lirë të njerëzve dhemallrave.

Në fund të takimit, bashkëbiseduesit e nënvizuan nevojën për thellimin e mëtejmë të bashkëpunimit ndërmjet Republikës së Maqedonisë së Veriut dhe Republikës së Kosovës në të gjitha fushat me interes të ndërsjellë, që do të kontribuojë në përforcimin e mëtejmë të marrëdhënieve të mira fqinjësore, si edhe në përparimin, stabilitetin dhe sigurinë e rajonit.

TË NGJAJSHME