KE këtë vit me vlerësime ekonomike më fleksibile për vendet anëtare për shkak të krizës

TË FUNDIT

Vlerësimi vjetor i politikave ekonomike të vendeve anëtare të BE-së këtë vit është në shenjën e krizës me koronavirusin, ndërsa fokusi duhet, para së gjithash, të jetë në rimëkëmbjen ekonomike.

Raportet e rregullta të Semestrit evropian, vlerësimi pranveror dhe rekomandimet e Komisionit Evropian për politikat ekonomike të vendeve anëtare të BE-së, theksojnë se prioritet këtë vit për BE-në është ballafaqimi me sfidat sociekonomike nga kriza shëndetësore. Në afat të mesëm dhe të gjatë, Komisioni Evropian kërkon kthimin drejt rritjes së qëndrueshme dhe inkluzive, me fokus të shprehur në transformimin digjital dhe ekologjik.

Fleksibiliteti i KE-së në vendimet e veta është reflektim edhe i vendimit të Komisionit të lejojë devijimin prej rregullave rigoroze buxhetore për borxhin publik dhe deficitin e vendeve, të sjellë muajin e kaluar në jehonën e krizës.

Në këtë kontekst, për herë të parë këtë vit, Komisioni Evropian nuk e hapi asnjë procedurë kundër vendeve anëtare të BE-së për mosrespektimin e rregullave të deficitit buxhetor, deklaroi nënkryetari i KE-së, Valdis Dombrovskis.

“Këto janë kohë të jashtëzakonshme, prandaj sollëm vendim që të mos hapim procedura për deficit shumë të madh tani, pasi rimëkëmbja do të jetë në vijim, do të marrin pozitë të kujdesshme fiskale e cila njëherësh do t’i stimulojë investimet, ndërsa vendet anëtare do të duhet të kthehen në shtigjet buxhetore”, tha komisari.

Vëmendje e veçantë këtë vit i kushtohet punësimit dhe pasojave sociale të krizës.

Komisioni Evropian ju bëri thirrje vendeve anëtare të fokusohen në mënyrë maksimale në luftën kundër papunësisë si prioritet i lartë, tha Shmith.

Për këtë qëllim, Komisioni evropian vendosi vegël të re të financimit të sistemeve të papunësisë në vendet anëtare, e cila duhet të jetë operative javëve të ardhshme.

“Veçanërisht jemi të brengosur për papunësinë e të rinjve, ata janë veçanërisht të prekur prej kësaj krize, dhe për Komisionin Evropian është veçanërisht e rëndësishme të përballet me këtë, në disa vende çdo i dyti i ri ka ngelur pa punë, njëjtë sikurse edhe gjatë krizës së fundit, ne nuk guxojmë të lejojmë për herë të patë e gjithë gjenerata të sakrifikohet”, deklaroi Nikolla Shmit.

Komisioni ju bëri thirrje vendeve t’i kushtojnë vëmendje grupeve në nevojë, veçanërisht emigrantëve dhe romëve por edhe atyre personave që nuk kanë të drejtë në asistencë sociale në rast papunësie.

Komisioni Evropian kërkon prej vendeve në mënyrë maksimale t’i kushtohen përforcimit të sistemeve shëndetësore.

“Pamë se si sistemet shëndetësore u stërngarkuan dhe se si duhet të përshtaten me këtë sfidë të madhe, investimet në sistemet shëndetësore janë më të nevojshme se kurdoherë”, tha komisari i Punës./MIA