Ja çfarë duhet të bëni nëse vuani nga migrena

Pavarësisht përparimit të shkencës dhe mjekësisë për shumë sëmundje, ka disa që akoma janë të pakurueshme. Një prej tyre është migrena, e cila është përhapur shumë kohët e fundit dhe prek njerëzit që kanë ngarkesë në punë, tension dhe çështje të rënda emocionale.

Ndonëse nuk është një sëmundje e rrezikshme, migrena shkakton shumë dhembje te njerëzit që prek. Ja cilat janë pesë metodat më të thjeshta që do të iu ndihmojnë.Përdorimi i pikanteve

Specat djegës mund të jenë një alternativë e mirë për të larguar dhembjen që sjell një krizë migrene, kjo për shkak se ato janë qetësues të dhembjeve. Një sasi e caktuar specash djegës duhet të përdoret gjatë krizës, por jo në çdo vakt.

Uji i ftohtë

Zhytini të dyja duart në ujë të ftohtë për sa më gjatë të mundeni. Kjo mund të ju ndihmojë ta kaloni dhembjen shpejt. Hapini dhe mbyllini grushtet gjatë kohës që i keni duart të mbyllura në ujë.

Dhoma e errët

Përpiquni që të qëndroni në një dhomë të errët gjatë kohës kur ju kap një krizë migrene. Drita mund të ju provokojë dhembjen e përgjithshme dhe atë të kokës.

Kafeina

Një sasi e madhe e kafeinës mund të jetë e pashëndetshme, por një sasi e moderuar mund të veprojë si qetësues dhembjeje për ata që vuajnë nga migrena. Provojeni gjatë kohës kur keni dhembje dhe do ta ndjeni ndryshimin.

Masazhi

Kjo është teknika më e përdorshme dhe më e dobishme. Masazhimi i pikave ku ndjeni dhembje është një gjë shumë e mirë për shkak se do të çlironi pikat e tensionit. Shtypni anën e majtë dhe të djathtë të ballit, shpatullave dhe pulsit për tri herë që të rregulloni energjinë dhe për tu çliruar nga dhembja.