Gjermania me valën e katërt përballet me shumë pak të vaksinuar. Ministri i Shëndetësisë dhe përfaqësues të mjekëve kërkojnë hapje të sërishme të qendrave për vaksinim masiv.
Propozohet vendosje e rregullave më të rrepta, si dhe samit për koronavirus.
Instituti kompetent Robert Koh për 24 orë ka raportuar 9.658 infeksione të reja dhe kjo është për 3.085 më shumë se para një jave. Kështu, incidenca shtatë ditore është rritur në 154,8 kundejt 149.4 ditën paraprake. Para një jave ishte 110.1.
Nga virusi kanë vdekur edhe 23 persona, ashtu që numri i rasteve të raportuara të vdekjes nga fillimi i pandemisë në Gjermani ka arritir 95.752.
Eksperti shëndetësor i SPD-së, Karl Lauterbah, me një tuit kumtoi: “Për fat të keq, ata që paralajmërojnë një valë të re shpifin si panik. Do të durojmë, gjithçka është në rregull. Por përfiton skeptikët e vaksinimit. Të moshuarit duhet të vaksinohen shpejt. Idealisht, çdo rihapje e qendrave të vaksinimit. Numrat nga 29.10 shfaqen në tweet. 2020, kur nuk kishte vaksinë dhe në të njëjtën ditë këtë vit – kur pothuajse 70 për qind e popullsisë ishte vaksinuar.
Duke e pasur parasysh rritjen e shpejtë të numrit të infeksioneve të reja, u.d. ministër i Shëndetësisë Jens Shpan (CDU) u bëri thirrje provincave federale sërish t’i hapin qendrat për vaksinim.
“Shtetet federale duhet të përgatitin qendra për vaksinim për hapje të sërishme, të cilat janë në gatishmëri nga fundi i shtatorit, për çka është e mundur më shumë njerëz dhe sa më shpejtë të jetë e mundur ta marrin vaksinën shtesë”, theksoi ai për Rajn post.
Shpan gjithashtu beson se, mbi të gjitha, kushdo mbi moshën 60 vjeç duhet të ftohet me shkrim për vaksinim shtesë. Ministria e tij edhe një herë theksoi se në parim të gjithë qytetarët kanë të drejtë për vaksinim shtesë.
Komisioni i përhershëm i vaksinimit rekomandon vaksinim shtesë për personat e moshës 70 vjeç e lart, banorët e ambienteve të kujdesit për të moshuarit dhe të pafuqishmit, stafin që kanë kontakte të drejtpërdrejta me të moshuarit dhe personat me imunitet të dobësuar.
Përparësi të qendrave për vaksinim
Për hapje të sërishme të qendrave për vaksinim është edhe kryetari i odës së mjekëve Klaus Rajnhart. Në Izrael, është parë se vaksinimi shtesë me siguri do të jetë i nevojshëm për më shumë persona të moshuar.
Në qendrat e vaksinimit ato mund të “rregullohen dhe renditen sipas grupmoshave”, ngjashëm me fillimin e një fushate vaksinimi: “Është pjesë përbërëse e vazhdimit të luftës kundër koronavirusit dhe tejkalimit të pandemisë”.
Eksperti shëndetësor i Të gjelbërve Janosh Damen është i pakënaqur nga vaksinimi në ordinanca.
“Pas mbylljes së shumicës së qendrave të vaksinimit, operacionet padyshim që nuk përmbushin pritshmëritë e vendosura për to, as për vaksinimin fillestar dhe as për vaksinimin shtesë”, tha Damen për një rrjet gazetarësh në Gjermani. Nëse shkalla e vaksinimit nuk është e mjaftueshme, “do të duhet të vaksinohemi në vende të tjera, si në farmaci”.
Rregulla më të rrepta?
Nëse vala e katërt vazhdon të përforcohet, Klaus Rajnhart thotë se duhet të vendoset rregull 2G (qasje vetëm për të vaksinuarit dhe të shëruarit) në disa zona të jetës publike, si restorante dhe muze.
Kur bëhet fjalë për vendet e punës, ai është për rregullativin për 3G, si në Itali dhe Austria. Pothuajse të gjithë të punësuati në Austri prej sot duhet të dëshmojnë nëse janë të vaksinuar, të shëruar ose negativ në koronavirus. Punëdhënësi është i obliguar të kërkojë dëshmi përkatëse nga të punësuarit.
“Sido që të jetë, duhet të gjejmë mënyrë që përfshin kontroll pak më të madh”, shtoi ai.
Ai, gjithashtu, u angazhua për testim “shumë më intensiv” të mëtutjeshëm në shtëpitë për të moshuar, por refuzoi ta bëjë vaksinimin të obligueshëm për personelin mjekësor.
“Secili duhet vet ta sjell këtë vend. Megjithatë “në mënyrë përkatëse dhe korrekte” është kur personat e pavaksinuar i sjellin pasojat e vendimit të tyre”.
Samit gjerman për vaksinim shtesë
Shapan gjatë fundjavës në gazetën “Bild am Zontag” bëri thirrje në samitin e shtetit federal dhe krahinat aleate në temë të vaksinimit shtesë.
Prefekti i Berlinit, Majkëll Miler (SPD) është skeptik lidhur me këtë.
“Jemi në proces të zbatimit të vaksinimit shtesë. Sërish u bëjmë thirrje qytetarëve më të moshuar”, ka thënë Miler.
Pyetja është për çka konkretisht dëshiron të bisedojë Shpan, thotë ai dhe pret që ministri të thotë çfarë plani ka për muajt e ardhshëm.
Kryeministrja e Meklenburg-Pomeranisë Perëndimore, Manuela Shfajcit (SPD), tha për mediat: “Koronavirusi është një detyrë e përbashkët kombëtare dhe ne e kemi zgjidhur gjithmonë atë pavarësisht nga përkatësia partiake”.
Shefi i CDU-së Markus Zeder dhe eksperti shëndetësor i SPD-së, Karl Lauterbah, gjithashtu gjatë fundjavës u deklarua për samit për koronavirusin.