Fluturuesja me shpejtësinë e Formulës 1, e kreu provën e parë/VIDEO

Makina e parë garuese fluturuese në botë, e cila arrin nga 0-97 km/orë sa një makinë e Formula 1, ka kryer fluturimin e parë provë mbi shkretëtirën e Australisë Jugore. Mjeti i quajtur Mk3 Airspeeder është katër metra i gjatë dhe duket si një dron masiv.

I projektuar dhe ndërtuar nga ish inxhinierë të McLaren, Jaguar, Rolls-Royce, Boeing dhe Brabham – mjeti do të fluturojë me shpejtësi midis 150 deri 250 km / orë në varësi të terrenit. Ai përmban sisteme lidar dhe radare që punojnë për të shmangur përplasjet në ajër.

Automjeti mundësohet nga një bateri polimer litiumi me një jetëgjatësi prej rreth 15 minutash fluturimi. Kompania Alauda Aeronautics po harton një seri gare, të quajtur Airspeeder EXA, do të jetë e ngjashme me Formula 1, por këtë herë pista e garës do të jetë në qiell.

Çdo garë do të zgjasë 45 minuta dhe nevojiten dy pushime për të ndërruar baterinë, një proces që zgjat rreth 20 sekonda. Avioni ka hapësirë ​​për një pilot por aktualisht po kontrollohet nga një “avatar telerobotik”. “Ne kemi një robot në kabinën e pilotit, të lidhur me një pilot në tokë. Kur piloti kthen kokën, roboti kthen kokën”, tha Matthew Pearson, themeluesi i Alauda Aeronautics.