EVN Maqedoni ka ndarë 23 tabletë për mësimi online për nxënësit e Shkollës së mesme teknike komunale “Gostivari”.
Tabletët u ndanë për nxënësit e gjeneratës së dytë të projektit 20-20-20. Udhëheqësi i Qendrës së konsumatorëve në Tetovë Ardit Sadiku i tha se projekte të këtilla janë të nevojshme për të rinjtë sidomos në periudhën e digjitalizimit.
“Digjitalizimi ka mbuluar të gjithë globin dhe njerëzit kanë nevojë për këto mjete. Ne mundohemi që në këtë kohë tu sigurojmë dhe këtë barë ta mbajmë ne si kompani dhe në të ardhmen të kemi një bashkëpunim sa më të mirë dhe të sigurojmë për të gjithë shkollat e këtij lloji” u shpreh Ardit Sadiku nga EVN Maqedoni.
Drejtori i shkollës Besir Saliu tha se EVN gjithmonë ka përkrahur nxënësit e kësaj shkolle, ndërsa edhe ky donacion është më se i nevojshëm në këtë periudhë kohore të pandemisë.
“Ky është viti i dytë që kompania reale EVN investon në këtë shkollë me mjete didaktike me mjete teknike dhe me mjete të tjera që kërkojnë nxënësit, qoftë literaturë të lëndëve përkatëse, qoftë të lëndëve profesionale”, tha drejtor i SHMTK Gostivar, Besir Saliu.
Në Shkollën e mesme teknike komunale në Gostivar, EVN ka financuar një kabinet për lidhjet elektrike ku tash më 40 nxënës nga Maqedonia perëndimore janë duke ndjekur mësimin në këtë Shkollë.