Në një intervistë për Agjencinë informative mediatike, ambasadori europian David Geer thotë se nuk mund të garantojë se nuk do të ketë bllokada të reja nga Bullgaria në të ardhmen.
Por, detyra jonë është të sigurohemi që nëse do të ketë bllokada në të ardhmen, se ato vijnë sepse vendi nuk bëri një hap drejt shtetit ligjor, sepse legjislacioni mjedisor nuk u zbatua, sepse lufta kundër korrupsionit nuk mjaftoi. Me fjalë tjera, të mos fokusohemi në çështjet dypalëshe, por në reformat kyçe të cilat duhen që vendi të bëhet pjesë e Bashkimit Europian, kjo është përgjegjësia jonë, tha David Geer, euroambasador.
Qëndrimi i Brukselit është se marrëveshja që keni arritur me Bullgarinë ka qenë marrëveshja më e mirë që mund të arrihet në këto kushte, shton Geer. Ai thotë se askush nuk është plotësisht i lumtur në një kompromis, por korniza negociuese është kompromis.
Marrëveshja i mundësoi vendit të lërë pas vetes problemet e së kaluarës dhe të ecë përpara, duke u fokusuar në gjërat në të cilat duhet të fokusohet vërtet, si reformat e ndryshme, të cilat përfaqësojnë një korsi të shpejtë drejt Bashkimit Europian. Sa më shpejt të zbatoni reformat, aq më shpejt do të bëheni pjesë e Bashkimit Europian, sqaroi Geer.
Euroambasadori thotë se politika duhet të ndahet nga gjyqësori, Qeveria dhe partitë politike duhet të tregojnë gatishmërinë e tyre për ta bërë këtë, por edhe gjyqtarët duhet të tregojnë se janë të gatshëm ta bëjnë punën e tyre të pavarur.
Të gjithë kemi ndjekur nga afër ngjarjet në Këshillin Gjyqësor gjatë muajve të fundit. Disa flasin shumë hapur për këtë, ne flasim hapur dhe jemi shumë të shqetësuar. Cila është
detyra e Këshillit Gjyqësor? Detyra e Këshillit Gjyqësor është të mbrojë pavarësinë, profesionalizmin dhe integritetin e gjyqtarëve, por disa nga ngjarjet në Këshillin Gjyqësor tregojnë se Këshilli nuk mund ta bëjë këtë. Epo, si shenjë e shqetësimit tonë, sepse ky organ është vendimtar kur bëhet fjalë për sundimin e ligjit, vendosëm të dërgojmë një mision vlerësues, shtoi Gerr.
Geer shpreson se rekomandimet që do të dalin nga misioni duhet të forcojnë Këshillin Gjyqësor që t’i kryej detyrat e veta.