Elon Musk planifikon ndërtimin e një “aeroporti hapësinor”

Themeluesi i SpaceX, Elon Musk ka konfirmuar planet ambicioze për të ndërtuar një “hapësirë oqeanike” për të lëshuar raketat drejt Marsit. Musk tha se aeroporti hapësinor i SpaceX, i quajtur Deimos, është në ndërtim e sipër dhe mund të fillojë operacionet vitin e ardhshëm.

Platforma ka për qëllim të përdoret si një pistë nisjeje dhe uljeje për SpaceX Starship, një anije kozmike që Musk synon të dërgojë në Mars. SpaceX bleu dy platforma nafte në brigjet e Teksasit në fillim të këtij viti për të shërbyer si pista “lundruese” për Starship.

Platformat janë quajtur Deimos dhe Phobos. Mendohet se një flotë e ‘aeroporteve hapësinore oqeanike’ do të pozicionohen pranë qendrave kryesore të transportit në të gjithë botën për të minimizuar rrezikun dhe ndotjen pranë zonave kryesore të populluara.