Eci 450 km për t’u qetësuar pasi u grind me gruan

I zemëruar pas një debati me gruan e tij, një burrë italian u bë lajm duke ecur 450 km për t’u qetësuar përpara se të kapej nga policia dhe të gjobitej për shkeljen e bllokimit.

48-vjeçari që bëri një shëtitje njëjavore thuhet se duhej të qetësonte zemërimin e tij pasi kishte pasur një grindje me partneren e tij. Ndërsa burri dhe gruaja e tij jetonin në veriun e largët të Italisë në kufirin zviceran, në Como, ai arriti deri në Fano, një qytet 450 km në jug, në bregdetin e Adriatikut, transmeton tv21.tv.

Kur policia ndaloi burrin në ora 2 të mëngjesit për shkeljen e rregullave të bllokimit në vend, ata e patën të vështirë të besonin se ai kishte kaluar kaq kilometra në këmbë. Sidoqoftë, pasi kontrolluan emrin e tij, ata zbuluan se gruaja e tij e kishte raportuar atë me të vërtetë të zhdukur një javë më parë, në qytetin e Como.

“Kam ardhur këtu në këmbë, nuk kam përdorur asnjë transport”, thuhet se i tha policisë.

Mediat italiane raportojnë se burri ishte i ftohtë dhe i lodhur, por dukej i kthjellët. Sidoqoftë, ai pranoi se nuk e kishte kuptuar se sa larg kishte shkuar gjatë shëtitjes së tij. Burri i tha mediave se atij iu dha ushqim nga të panjohur gjatë ecjes së tij epike në të cilën ai eci rreth 60 km në ditë.

Ndërsa Italia ka vendosur një shtetrrethimi nga ora 22:00 deri në 5 të mëngjesit për të menaxhuar valën e dytë të koronavirusit, gruaja që mori burrin e saj duhej të paguante gjobën prej 400 € që iu dha për shkeljen e rregullave./21Media