Duhet të jetë gati deri në vitin 2027, “Rapid Build” për 60 milionë euro do të ndërtojë interkonektorin me Greqinë

Kompania Rapid Build për 60 milionë euro në afat prej 22 muajve do ta ndërtojë interkonektorin për gaz natyror me Greqinë. Ai duhet të vendoset në funksion në vitin 2027. Sot në Ministrinë për energjetikë u nënshkrua marrëveshja me kompaninë. Ministrja për energjetikë, Sanja Bozhinovska, tha se ky është projekti më i madh energjetik në 10 vitet e fundit. Ajo është e kënaqur që shuma është më e ulët për 12 milionë euro nga tenderi i parë, i cili ishte i pasuksesshëm.

“Presim ndërtimi të zgjasë 22 muaj, ndërsa interkonektori të vendoset në funksion në vitin 2027, drejtori sigurisht do të ju tregojë më shumë detaje. Me atë ne më në fund kemi hyrje alternative për gazin natyror, do të kemi siguri më të madhe, më shumë burime dhe varësi më të ulët nga një furnizues”, tha Sanja Bozhinovska, ministre për Energjetikë.

Ndërtimi do të fillojë për një muaj. Nga kompania thonë se kanë pajisje dhe mekanizëm, ndërsa rrezikun e vetëm për shkeljen e afateve e shohin vetëm nëse traseja nuk është e pastër me shpronësimin.

“Rrezikun e vetëm si kontarktues e shoh nëse mbetet ndonjë pjesë, ndonjë pjesë e trasesë me shpronësim të papërfunduar. Kjo pengesë me të cilën jemi përballur në projektet e kaluara, ku nëse nuk përfundohet shpronësimi i ndonjë pjese të trasesë ne nuk kemi mundësi të punojmë, të bëjmë çfarëdo qoftë. Por nëse zgjidhet çështja e shpronësimit, mendoj se nuk ka pengesa për ne”, tha Toni Karanfillovski, pronar i “Rapid Build”.

Nga NOMAGAS pohojnë se shpronësimi mbi 90% ka përfunduar. Pjesa e Maqedonisë e interkontektorit është me gjatësi prej 68 kilometrave, nga Gjevgjelia deri në Negotinë. Paratë janë siguruar përmes kredive dhe granteve dhe nga institucionet ndërkombëtare financiare.