Dimitrievski hedh dyshime mbi testet e Ministrisë së Shëndetësisë, ritestohet dhe del negativ me COVID-19

Një javë pasi pasi doli se është pozitiv me COVID-19, sot Kryetari i Komunës së Kumanovës Maksim Dimitrievski përmes Facebookut të tij ka njoftuar se është nuk është i prekur me këtë virus dhe i ka kërkuar Institutit të Shëndetit Publik ta rishikojë testin e bërë të dielën.

“Dje unë dhe bashkëshortja, duke i respektuar të gjitha protokollet e sigurisë dhe procedurat, me vetëfinancim bëmë teste për COVID-19 në disa laboratore relevante në shtet, poashtu paraprakisht edhe testim nga ana e Qendrës për Shëndet Publik Kumanovë të të gjithë anëtarëve të familjes sime. Të gjitha testet janë NEGATIVE” ka shkruar Dimitrievski në Facebookun e tij, raporton TV21.

Ai më tej ka shpjeguar se i ka kërkuar shërbimit epidemiologjik pranë Qendrës për Shëndet Publik në Kumanovë që t’i rishikojnë rezultatet e testimeve dhe sipas nevojës t’i përsërisin dhe urgjentisht të dorëzojnë Kërkesë për ndërprerje të vendimit për vetëizolimin e tij, pjesëtarëve të familjes si dhe të të gjithë kontakteve të përfshirë në anketën epidemiologjike.

“Shpresoj që kërkesa ime të shqyrtohet me urgjencë dhe të realizohet në kuadër të procedurave sepse përskaj testeve negative, gjendja ime shëndetësore dhe e familjes sime është e mirë dhe nuk ekziston asnjë simptom e as tregues të infeksionit nga COVID-19, me qëllim që të kthehem në punën e përditshme dhe bashkë me ekipin tim të vazhdoj luftën kundër epidemisë në qytetin dhe shtetin tonë” thonë kreu i Kumanovës.

Maksim Dimitrievski në fund të statusit të tij shkruan se i hedh poshtë të gjitha akuzat me pretendimin se ai është pozitiv me virusin dhe kërkon që të largohet ky anatemim.

Kujtojmë që më datë 16 prill Kryetari i Kumanovës vetë deklaroi se është pozitiv me Koronavirus e kjo pasi mëngjesin e po kësaj date i kishin arritur rezultat e bëra nga Instituti i Shëndetit Publik. Megjithatë një ditë para se ta kuptojë rezultatin, më 15 prill, në vizitë në Shtabin e krizës në Kumanovë kishin qëndruar Kryeministri teknik Oliver Spasovski, bashkë me zëvendësin e tij Bujar Osmani si dhe Ministrat Arbër Ademi e Venko Filipçe. Të gjithë këta më pas u vetëizoluan për shkak se kishin qenë afër Dimitrievskit, ndonëse kishin pasur maska dhe kishin mbajtur distancë prej 2 metrave./TV21