Nëse vendosim që të kemi suksese në jetë atëherë duhet të mësojmë nga përvoja e të tjerëve. Nëse ëndërrojmë që një ditë të bëhemi milioner këtë nuk do ta arrijmë shpejt sepse duhet të kalohet një rrugë e vështirë dhe t’i bihet “kokës për muri” deri sa të mos na dhemb.
Mësimet që i marrim nga përvoja e të të tjerëve, që nënkupton sukseset dhe rëniet, është një moment kyq në rrugën e suksesit tonë.
Në botën e meshkujve gratë e kanë më vështirë të depërtojnë dhe se rruga e grave milionere të thuash se në shumicën e rasteve është e njejtë.
Nëse analizohet rruga jetësore e grave të suksesshme atëherë mund të arrijmë te përfundimi se të gjitha kanë pasur jetë të vështirë, dhe se kanë ndërtuar diçka nga kurrçkafja por me fuqinë e dëshirës për të arritur suksesin, por gjithnjë me talentin dhe idetë e veta.
Disa sosh kanë pasur fëmijëri të vështirë, janë përballur me vdekjet e hershme të të dashurëve të tyre, ka raste kur kanë qenë të maltretuara dhe se që nga fillimi i jetës iu është dashur të luftojnë me rëniet e ndryshme.
Ajo që i dallon ato në ngritjen e tyre është insistimi i tyre për të dale nga situatat e rënda dhe të ecin sigurt përpara.
Ndërsa për meshkujt mjafton të kenë talent dhe nuk ua vejnë veshin njerëzve përreth, ndërkaq te gratë e suksesshme është diçka tjetër.
Ato nuk është e thënë të kenë intelegjenci mbi normalen. Gruaja e suksesshme duhet të jetë e ndërgjegjshme, fleksibile, e dashur e mbi të gjitha e guximshme.
Të gjitha gratë e suksesshme kanë një veçori të përbashkët se ato hallet e veta private i lënë te shtëpia kurse maksimalisht i përkushtohen punës.
Ato dallohen nga të tjerat sepse janë më pak neurotike dhe janë më stabile në pikëpamje emocionale. Ato e marrin më me gjakftohtësi presionin shoqëror me të cilin ndeshën gjatë karrierës.
Çka mund të mësojmë nga grate e këtilla?
Ajo që e dallon gruan milionere nga rrethi është se ato rëniet dhe ngritjet e ndryshme gjatë punës i marrin si diçka e zakonshme, si gjëra të njejta, si normale dhe me qetësi.
E rëndësihme është që ajo të jetë e rrethuar me familjarët e vet, me miqët por edhe me të tjerët që do ta ndihmojnë në karrierën e saj dhe të punojnë me te në mënyrë që të mos ndeshet me “hendekun” e madh ndërmjet jetës private dhe asaj të punës.
Dhe, krejt në fund, çelësi i suksesit të çdo gruaje milionere është vendosmëria e saj për të ndjekë instiktet e veta dhe të bëjë në jetë atë që don./ 21 Media