Zv/kryeministri për çështje ekonomike, Fatmir Bytyqi apeloi që të marrin fund diskutimet për vendosjen e dygjuhësisë në kompanitë private. Fakti që sot flasim në tre gjuhë tregon se sa konkurrente është një ekonomi, tha Bytyqi gjatë nënshkrimit të marrëveshjes me kompaninë gjermane WIK. Zv/kryeministri e la të hapur çështjen për punësimet etnike në kompanitë private. I pyetur nëse kjo masë do të thotë shpenzime ekstra të mjeteve buxhetore, ai tha:
“Nuk e di se ku e kemi parë shpenzimin e parave të popullit…Kjo është e njëjtë sikur të më pyesni nëse planifikojmë investime kapitale prej 1 miliardë. Buxheti a do të mund të durojë një gjë të tillë? Për momentin mund të them në mënyrë hipotetike nëse do të durojë ose jo, për shkak se ende nuk kemi asgjë konkrete”, tha Fatmir Bytyqi – Zv/kryeministër për Çështje Ekonomike.
Një ditë me parë Këto ditë ministri i ekonomisë Kreshnik Bekteshi theksoi se do të bëjë gjithçka që masa për punësimet etnike të realizohet.
“Nëse më pyesni mua si ministër për ekonomi, do të bëjë përpjekjet më të mëdha që ajo masë të fillojë të realizohet. Do të kërkoj nga Qeveria, me sjelljen e propozim buxhetit për vitin e ardhshëm të parashihen mjete të tilla”, u shpreh Kreshnik Bekteshi – Ministër i Ekonomisë.
Zv/kryeministri Bytyqi tha se deri të premten do të dihet se si është gjendja e buxhetit dhe zbatimi i pakos së katërt të masave ekonomike.
“Sipas të gjitha gjasave deri të premten do të kemi qëndrim të qartë për kapacitetin e buxhetit për ulje të shpenzimeve dhe lëshim të një pjese të mjeteve për pakon e katërt dhe do të mund t’i përgjigjemi pyetjes, se sa do të peshojë. Por edhe kësaj here si çdo herë tjetër do të peshojë aq se sa i nevojitet ekonomisë”, u shpreh Fatmir Bytyqi – Zv/kryeministër për Çështje Ekonomike.
Zv/kryeministri Bytyqi sot nënshkroi Marrëveshje për ndihmë shtetërore me menaxherin e përgjithshëm të kompanisë gjermane WIK, Verner Shojb. Me marrëveshjen parashihet investim të dytë të kompanisë gjermane në vlerë prej 2,5 milionë eurove dhe 100 punësime të reja.