Burrë e grua mes sëmundjes e skamjes! Gëzimin e lindjes së një fëmije nuk e përjetuan kurrë!

Nuk kanë asgjë përveç njëri-tjetrit.

Rexhepi dhe Qefserja jetojnë të vetëm. Gëzimin për të pasur një fëmijë nuk e përjetuan kurrë.

Jetojnë në një qoshe të lagjes Serova, kanë vetëm dy dhoma të vogla, dhe një banjo të improvizuar.

E kur flet për vuajtjet e jetës, Qefserja nuk i mban dot lotët.

“Çka të tregoi, gjatë verës krejt uji hyn në shtëpi, dimrit është shumë ftohtë.
Dru kam shyqyr më kanë pru, por nuk kam ku të flejë si njeri.
Shumë me halle kjo jeta ime.
Shumë ngushtë me shtëpinë, e sëmurë edhe burri i sëmurë”, tha Qefsere Abdiovska.

Krahun e djathtë Qefserja e ka të paralizuar ndërsa nuk mundet edhe të lëvizë shumë gjatë ku edhe këmbët i ka të sëmura.
E për të kujdeset bashkëshorti i saj Rexhepi, i cili edhe ai thotë se ka probleme me kurrizin.

“Mundohem, por nuk po mundem më dhemb kurrizi nuk mund të punoj asgjë çfarë të punoj edhe gruaja është e sëmur.
Duhet edhe të kujdesem për gruan, patjetër që duhet të kujdesem kush të bëjë ushqim nëse mundet të na ndihmoni diçka të kemi”, u shpreh Rexhep Abdiovski.

Kjo është banjoja e improvizuar e familjes, ndërsa kjo dhomë e vogël është kuzhina e gjumit, e bëjnë tek një dhomë tjetër.

Familja merr ndihmë sociale, ndërsa të vetmen dëshirë kanë që të kenë një kulm të sigurt mbi kokë që të mund të kalojnë jetën më rehat.

Nr Familjes 078-596-377