Karburantet prej sonte në mesnatë lirohen prej dy deri katër denarë për litër, vendosi sot Komisioni Rregullator për Energjetikë (KRE). Me këtë vendim bëhet ulja e çmimeve me pakicë të derivateve të naftës mesatarisht për 7,76 për qind.
Çmimi me pakicë i benzinës EUROSUPER BS-95 ulet për 2,5 denarë për litër dhe arrin 49,5 denarë. Benzina EUROSUPER BS-98 lirohet për 2.0 denarë dhe do të kushtojë 52 denarë për litër. Çmimi i EURODISEL (D-E V), ulet për 4,0 denarë dhe arrin 42,5 denarë për litër, ndërsa çmimi me pakicë i Vajit ekstra të letë për amvisëri (EK-1) ulet për 3,5 denarë dhe do të arrijë 30, 5 denarë.
Me vendimin KRE për 2.178 denarë për kilogramë ulet edhe çmimi me pakicë i mazutit M-1 NS dhe do të kushtojë 16,945 denarë.
Si arsye për uljen e çmimeve me pakicë të derivateve të naftës nga KRE i potencojnë çmimet referente të ulura në tregun botëror të benzinës për rreth 24,55 për qind dhe te diseli për rreth 31,9 për qind si dhe për 0.665 për qind kursin e lartë të denarit krahasuar me dollarin në shtatë ditët e fundit.