Benzina lirohet për 6,5, e dizeli për 9 denarë! Deputetët u vonuan për shkak borës dhe gomave verore

“Kush është bllokuar në borë në Mavrovë, kush nuk ka mundur ose nuk ka pasur goma dimërore dhe ka vozitur me goma verore, e dikush duhej ta shtynte, unë ketë nuk mund ta zgjidh”, tha Talat Xhaferi, kryetar i Kuvendit.

Pasi i tejkaluan këto probleme, deputetët u mblodhën dhe unanimisht i sollën ligjet me të cilat do të hiqet TVSh-ja për produktet bazë ushqimore, kurse akciza për karburantet do të ulet.

ÇMIMET E REJA TË DERIVATEVE TË NAFTËS                       

Komisioni Rregullator sot doli me vendim të jashtëzakonshëm për çmime të reja të karburanteve. Nga mesnata, çmimi i benzinës ulet për 6,5, kurse dizeli për 9 denarë. Sipas opozitës kjo është vetëm një masë kozmetike, sepse siç shtojnë, çmimet e benzinës vazhdojnë të jenë të larta.

“Çmimi i lartë i karburanteve, i cili para së gjithash është rezultat i akcizës së lartë e cila gjatë kohës së LSDM-së në disa vitet e fundit është rritur për 13,13 denarë, e rrit koston e prodhimit. Masa kozmetike të cilën e solli Qeveria dhe e cila ka të bëjë me uljen e akcizës për 30% nuk është e plotë, sepse karburantet sërish janë tejet të shtrenjta“, theksoi Cvetan Tripunovski, VMRO-DPMNE.

Edhe për tregtarët e naftës dhe derivateve të naftës, këto masa janë të papranueshme.

“Gjatë kësaj periudhe dyvjeçare sa zgjat korona-kriza, kompanitë nga sektori për furnizim të naftës dhe derivateve të naftës nuk i shfrytëzuan masat qeveritare për mbështetje që ishin miratuar për subjektet e biznesit. Punën e tyre e organizojnë në mënyrë të vazhdueshme dhe të pandërprerë edhe në kushte të pasigurta ekonomike. Prandaj, ata mendojnë se tani nuk është moment që të krijohen masa me të cilat do të rëndohet edhe më shumë puna e tyre“, thonë nga Oda Ekonomike.

Lidhur me këtë, Komisioni Rregullator, i cili çmimet i vendos sipas metodologjisë së përcaktuar paraprakisht, kërkoi mirëkuptim:

“Kemi reagime nga të gjitha tregtarët. Kërkojmë që të kenë mirëkuptim derisa nuk hyjnë në fuqi masat e Qeverisë, kur duhet t’ua kthejmë marzhën në normalitet”, thonë nga KRRE.

KRrE çdo ditë pune sjell çmime të reja të derivateve të naftës, duke i marrë parasysh çmimet në bursat botërore në pesë ditët e fundit. Nga Shoqata e pompave private të benzinës nga pjesa lindore e Maqedonisë, thonë se kjo masë do t’i detyrojë t’i mbyllin pikat e karburanteve në këtë pjesë të vendit.