Belgjikë fillon heqjen e kufizimeve të lëvizjes

Mbi 44,000 njerëz të prekur me virusin në Belgjikë Kryeministri belg, Sophie Wilmès ka treguar një plan të detajuar për të hequr gradualisht kufizimet si shkak i koronavirusit. Sipas rregullave të reja, të gjitha dyqanet do të lejohen të hapin dyert e tyre përsëri nga 11 maj dhe shkollat do ​​të rihapin javën tjetër. Më shumë se 44,000 njerëz janë testuar pozitivë për virusin në Belgjikë. Gati 6.700 vdekje janë regjistruar në vendin qw ka 11.4 milionw banorw. Më shumë se gjysma e viktimave kanë qenë në shtëpitë e kujdesit. Pas disa orësh diskutimesh të Premten, Kryeministri Wilmes njoftoi një orar për të përfunduar gradualisht bllokimin e vendit, i cili filloi në 12 Mars. Bizneset e para që do të hapen do të jenë dyqanet e rrobave në 4 maj, në mënyrë që t’i ndihmojnë njerëzit të respektojnë rregullat e reja që kërkojnë nga të gjithë belgët e moshës 12 vjeç ose më shumë të veshin maska ​​në transportin publik. Dyqanet e tjera do të hapen një javë më vonë. Shkollat ​​do të kthehen nga 18 maj, por jo më shumë se 10 fëmijë do të lejohen në secilën klasë. Kafenetë dhe restorantet nuk do të lejohen të hapen para 8 qershorit. Një numër i vendeve të tjera evropiane kanë njoftuar tashmë masa për të lehtësuar bllokimet e tyre, të cilat ishin vendosur për të ndihmuar në ndalimin e përhapjes së koronavirusit. Disa dyqane tashmë janë rihapur në Gjermani dhe shkollat ​​gradualisht do të rihapen nga 4 maji, megjithëse baret, kafenetë, restorantet, kinematë dhe vendet e muzikës do të mbeten të mbyllura.