“BE për ty” në Prespë/ Geer: 17 milionë euro investime për Prespën

“BE me Ty” qëndroi në Prespë. Kjo është vizita e treta në vazhdën e vizitave të komunave pas hapjes së negociatave për anëtarësim në BE me Maqedoninë e Veriut në korrik të vitit 2022. Qëllimi i vizitave është prezantimi i hapave të rinj në procesin e negociatave për anëtarësim në BE dhe ndikimi i tyre në jetën e përditshme të qytetarëve si dhe investime të reja nga BE-ja.

Ambasadori i BE-së Dejvid Geer fillimisht vizitoi shkollën”Goce Dellçev” ku më pas qëndroi në Komunën e Prespës me çrast takoi kryetarin e kësaj komune, këshillin komunal si dhe organizatat joqeveritare.
Ambasadori tha së shpejti do të rrisë ndihmën financiare për Prespën, duke përfshirë dhe bujqit që merren me prodhimin e mollëve.

“BE-ja së shpejti do ta rrisë ndihmën financiare në kuadër të programit BE -ja për Prespën, kryesisht ajo përfshinë disa aktivitet të cilat mendojmë se do të fillojnë shumë shpejtë. Këto aktivitete përfshinë hapjen e kufirit si dhe punimet ndërtimore për hapjen e kufirit me R.Greqisë si dhe stacionet filtruese për ujërat e zeza si dhe menaxhimin me mbeturinat e forta si dhe aktivitete të tjera të cilat BE ja do ti marr për promovimin e turizmit dhe Ambientit Jetësor si dhe ndihmë për bizneset e ndryshme që janë aktive në këtë rajon”- deklaroi Dejvid Geer-ambasador i BE-së në RMV.
Kryetari i Komunës së Prespës tha se e gëzon fakti që do të realizojnë projekte madhore me BE-në.
“Më shumë se gjithçka më gëzon fakti që do të realizojmë projekte të mëdha Europiane për të cilët shpresojmë se do ti realizojmë sa më mirë dhe në kohë sa më të shpejtë me cķa jam shumë I gëzuar dhe krenar që ambasadori i BE e njohu bukurinë dhe të veçantat që ka Prespa”- pohoi Jovan Tozievski-Kryetar i Komisionit të Prespës.

Vizita e ambasadorit në këtë qytet vazhdoi në Sarajin e Prespës ku u njoftua me historinë e ndërtimit të tij nga Ahmet Nijazi Bej në shekullin e 19.
E në fund të ditës ambasadori Geer morri pjesë edhe në një debatë me qytetarët për t’iu përgjigjur pyetjeve lidhur me rrugën europiane të Maqedonisë së Veriut si dhe për t’i ndëgjuar hallet dhe problemet me të cilat përballen prespanët…