Autoritetet në SHBA kërkojnë Fejsbuku të ndahet nga Instagrami dhe Uatsapi

Një koalicion prej 46 shtetesh federale mbrëmë ngriti proces gjyqësor kolektiv kundër Fejsbukut për abuzimin e dominimit të tij në tregun e rrjeteve sociale dhe shkeljen e konkurrencës.

Padi antimonopolit kundër Fejsbukut ka ngritur edhe Komisioni tregtar federal (FTC). Letisha Xhejms, kryeprokurore e Nju-Jorkut në konferencë për media mbrëmë deklaroi se “duhet të ndërpritet me praktikën e paarsyeshme agresive të ndërmarrjes së kompanive dhe të kthehet besimi në treg”.

Për mediat amerikane, kjo lëvizje nga autoritetet është “revolucionare”, në përpjekje për të parandaluar fuqinë e tepruar të rrjetit social në sferën e medias, e cila tradicionalisht ka qenë e rezervuar për media dhe stacionet televizive.

Paditësit, ndër të tjera, po kërkojnë nga gjykata që ta detyrojë kompaninë të ndahet në pjesë më të vogla, domethënë, të privohet nga mesnexheri i “Uatsapit” dhe rrjeti social Instagram, i kontrolluar nga Fejsbuku.

Një proces i ngjashëm u ngrit në tetor për Gugëllin për abuzim me pozicionin e tij dominues në fushën e kërkimit onlajn dhe reklamimit në Internet. Ejpëll dhe Amazon, të cilët dyshohen se mbysin konkurrencën, janë gjithashtu nën hetim në Kongres.

Xhejms potencon se Fejsbuku “përdor monopolin e tij për të eleminuar rivalët më të vegjël dhe për të shtypur konkurrentët, në kurriz të përdoruesve të zakonshëm”.

Në vitin 2019, për shkeljen e privatësisë së përdoruesve dhe keqpërdorimin e të dhënave të tyre, komisioni gjobiti kompaninë me pesë miliard dollarë, duke futur rregulla dhe kufizime të kontrollit. Gjoba më e madhe e vendosur ndonjëherë në një kompani të teknologjisë nuk ka pasur një ndikim të dukshëm në Fejsbuk.

Për përfaqësuesit e kompanisë, lëvizja është një “revizionizëm”, theksohet se qeveria ndëshkon bizneset që veprojnë me sukses dhe duke kujtuar që FTC i dha kompanisë leje për të blerë Instagramin dhe Vacapin disa vjet më parë.

Presidenti i spozgjedhur Xho Bajden ka deklaruar në mënyrë të përsëritur nevojën për të marrë në konsideratë mundësinë e ndarjes  të gjigandëve të teknologjisë për shkak të fuqisë së tepruar që ata përdorin. Bajden dikur e quajti Mark Zuckerberg një “problem të vërtetë”.

Fejsbuku është rrjeti më i madh social në botë me rreth 2.7 miliardë përdorues. Me një vlerë tregu prej 800 miliardë dollarësh, drejtori i përgjithshëm Zuckerberg është një nga pesë njerëzit më të pasur në botë.