Asnjë investitor nuk është larguar! Rrogat mesatare në ZZHTI më të ulëta nga rrogat në nivel të shtetit

Pagat e të punësuarve në zonat industriale janë më të ulëta se rroga mesatare, por gjithashtu rriten me shumë më ngadalë në raport me neto rrogat mesatare të qytetarëve të tjerë në vend. Këtë informacion e konfirmon edhe drejtori i Drejtorisë së Zonave Zhvillimore Teknologjike Industriale, Zoran Despotovski.

“Bruto rroga mesatare është më e lartë në krahasim ne bruto rrogën mesatare që është paguar në ZZHTI në vitin 2018. Dallimi ka qenë rreth 6.2%. Ky dalim është ulur në vitin 2019 dhe tani është rreth 5.4%. Por, megjithatë mbetet fakti se në ZZHTI bashkëqytetarët tanë punojnë për rreth 14.000 denarë. Aktualisht marrin rroga më të ulëta në raport me rrogën që e marrin qytetarët e tjerë”, tha Jovan Despotovski – Drejtor i ZZHTI.

Të dhënat e fundit  tregojnë se vitin e kaluar rroga mesatare neto në nivel të shtetit ishte 25.214 denarë, rroga e punëtorëve në zonat ishte 23.450 denarë. Drejtoria nuk ka të dhëna se si lëvizin rrogat në 2020. Sipas drejtorit të ZZHTI-së, kriza e pandemisë do të reflektojë edhe ndaj punës në zonat ku vërehet ulje edhe në import edhe në eksport.

“Deri në tetor të këtij viti, eksporti i përgjithshëm në shtet është ulur për 13.01% në krahasim me eksportin në 2018, megjithatë në zonat  ZZHTI është ulur vetëm për 9.4%. Kjo do të thotë se eksporti në zonat gjithsesi ulet si pasojë e krizës globale”, u shpreh Jovan Despotovski – Drejtor i ZZHTI.

Despotovski tha se trendët në zonat ZZHTI nuk janë aq të pavolitshëm, përkundër spekulimeve që qarkulluan këto ditë në opinion publik. Ai shtoi se shteti ka interes prej investitorëve të huaj të cilët në emër të taksave dhe kontributeve për vitin 2018 kanë paguar 22,6 milionë euro, ndërsa në 2019 është rritur në 28,5 milionë euro. I pari i ZZHTI-së pohoi se janë prishur marrëveshjet për marrje të tokës ndërtimore me katër investitorë, për shkak se nuk kanë filluar me kohë me aktivitetet ndërtimore. Ai shtoi se asnjë investitor i huaj nuk është larguar nga shteti. Njoftoi se edhe në kushte të krizës ka investitorë të cilët para lidhjes së marrëveshjeve ndërsa edhe një pjesë e investitorëve aktualë tashmë paralajmëruan zgjerim të zonave.