A po shpëtohen funksionarët kriminelë? Në mënyrë të qetë po ndryshohet Kodi Penal, opozita s’ka amendamente 

Qeveria nisi procedurën për ndryshimet e Kodit Penal, ta cilat parashikojnë ulje të dënimeve me burg për veprën e penale Keqpërdorim i pozitës dhe autorizimit zyrtar. Opozita është kundër por si duket ka mosmarrëveshje edhe brenda Qeverisë. Burime jozyrtare nga Ministria e Drejtësisë pohojnë se kundër këtyre ndryshimeve është ministri Krenar Lloga, i cili refuzoi të firmosë ndryshimet e propozuara në ligj. Ndonëse, siç thonë burimet tona, ka pasur përpjekje për ta bindur Llogën për të nënshkruar, ai sërish ka refuzuar dhe një gjë të tillë është dashur ta bëjë zëvendësministrja Viktorija Madiq, e cila praktikisht mbrojti ndryshimet e propozuara në Komisionin parlamentar për çështje europiane. Opozita dënon ashpër se me uljen e ndëshkimeve dhe afatit për vjetërsim, qeveria po përpiqet të mbrojë zyrtarët e saj nga ndjekja e mundshme penale dhe abuzime shtesë po bëhen duke i shtuar edhe një flamur europian këtyre ndryshimeve.

 “Fjala është për uljen e dënimit, pra për heqjen e  fillimin e afatit të sipërm të përcaktimit të dënimit për nenin 353, pra për keqpërdorimin e detyrës zyrtare, si dhe uljen e afatit të vjetërsimit në 6 vjet. Kjo do të thotë se të gjitha ato krime që partia juaj, të cilat ky koalicion qeveritar i ka kryer me ardhjen në pushtet, tashmë do të ishin të vjetërsuara dhe askush nuk do të mbante përgjegjësi për abuzimet që shohim duke i mbushur mediat në Republikën e Maqedonia çdo ditë”- deklaroi Bojan Stojanovski, VMRO-DPMNE.

“Ndërkohë, kini kujdes, kanë dalë disa çështje urgjente, të cilat mendojmë se do të ishte mirë që të rregulloheshin për një periudhë më të shkurtër. Ju lutem!? Epo, ju e pranoni vetë, cilat janë ato pyetjet urgjente që kanë lindur ndërkohë, zgjedhjet po afrojnë, ka ndryshime të mundshme në qeveri dhe çfarë metode ka përdorur propozuesi, unë e quaj metodë alibie.”- tha Gordana Siljanovska Dafkova nga VMRO-DPMNE.

Zëvendësministrja e  Drejtësisë Madiq dhe deputetja e LSDM-së Snezhana Kaleska Vançeva folën në përpjekje për të arsyetuar ndryshimet e propozuara në Kodin Penal.

“Zgjidhjet e propozuara, ulja e dënimeve të parashikuara në nenin 353 si dhe fshirja e disa paragrafëve po ecin në atë drejtim për të qenë në përputhje me konceptin e ri në të cilin janë standardizuar kriteret e përcaktimit të dënimeve. Është shtuar një vepër e re, abuzimi në prokurimin publik. Nëse flasim për efikasitet, efektivitet në luftën kundër kriminalitetit dhe veçanërisht me krimin e organizuar dhe korrupsionin, është konfiskim i zgjeruar.”- pohoi Viktoria Avramovska Madiq, zëvendësministre e  Drejtësisë.

“Ndoshta ju mendoni se duhet të përdorim dënime drakoniane për të luftuar keqpërdorimin e paratë publike nga zyrtarë të caktuar apo lloje të tjera krimesh. Por ju me siguri e dini shumë mirë se si në teori ashtu edhe në praktikë është vërtetuar se kjo shpesh nuk është receta e duhur.”- tha Snezhana Kaleska Vançeva nga LSDM.

Pas dy ditëve debat në Komisionin për Çështjet Europiane, debati përfundoi dhe opozita nuk paraqiti amendamente për ndryshimet, sepse i konsideron të pakuptimta kur qeveria e ka shumicën.