A ka shteti kontroll mbi bastet online!? Shërbimet online nga bastet jashtë vendit janë jolegale

TË FUNDIT

Me krizën e pandemisë, u mbyllën edhe bastoret.

E zgjidhje për të funksionuar u gjet mënyra e lojës online.

Qeveria lejoji disa prej bastoreve që të mund tu ofrojnë klientëve edhe shërbime online gjë që nuk e kishin pasur më përpara, por ky vendim është me karakter kohor deri sa të kalojë kriza e pandemisë.

Por edhe shumë web-faqe jashtë vendit tonë që kanë shërbime online të bastoreve kanë klientë edhe nga Maqedonia por ato janë jolegale thotë Viki Çadikovska nga videolotaria shtetërore.

 “Gjithsesi që tek ne të gjithë që luajnë lojëra të fatit kompania jonë në përputhje me ligjin i kryen të gjitha detyrimet që i kem.

Për ata që nga jashtë mundësojnë baste online për këtë ne nuk mund të garantojmë për arsyen e vetme se janë organizues të lojërave nga jashtë për lojërat e fatit dhe nuk janë të rregulluara me ligj”, tha Viki Çadikovska.

Nga Lëvizja Anti-bixhoz thonë se shteti mund të mos ketë kontroll mbi lojën online meqenëse qendrat mund të jenë në vendet tjera jashtë vendit tonë.

 “Loja online, faktikisht online kumari sipas lëvizjes anti-bixhoz është rreptësisht i ndaluar. Pse e themi këtë, një është e rëndësishme që këto objekte ose kjo mënyrë e të luajturit nuk mund të kontrollohet edhe normal nuk jemi të sigurt dhe nuk kemi informacione se ato objekte i paguajnë tatim shtetit pasi këto qendra mund të jenë edhe në shtetet tjera”, deklaroi Xhemal Abdiu nga Lëvizja Anti-Bixhoz.

Nga Asociacioni i bastroreve të sportit, patën thënë se për bastet e paligjshme në internet në faqet e huaja online, shteti nuk ka kontroll dhe paratë e taksave, në vend të shkojnë në buxhetin tonë ato derdhen jashtë vendit. Sipas disa vlerësimeve, kjo është një dalje prej 40 deri në 50 milion euro, dhe këto janë fonde që janë me interes të konsiderueshëm për ekonominë e vendit, mirëmbajtjen dhe hapjen e vendeve të reja të punës dhe investimet.