A ka para në buxhet që paga minimale të bëhet 450 euro? LSDM kërkon që VMRO-ja të mos gjejë arsyetime

Pushteti dhe opozita me qëndrime të kundërta për mundësinë për realizimin e kërkesës së sindikalistëve për rritjen e pagës minimale. LSM-ja kërkon që të ardhurat e punëtorëve të jenë së paku 450 euro, në vend të 370 eurove të tanishme. Kur kryeministri Hristijan Mickoski u pyet për kërkesën e sindikatave, tha se buxheti është një gjendje katastrofike, pas çka socialdemokratët i bënë thirrje pushtetit që të mos gjejë arsyetime.

“Historia na mëson se për VMRO-DPMNE-në asnjëherë nuk është prioritet rritja e pagës minimale dhe kujdesi për këtë kategori të të punësuarve, e as dialogu me sindikatat. Shtatë vjet LSDM siguronte para për paga në kohë të krizave më të mëdha ekonomike dhe shëndetësore. VMRO-DPMNE-ja thjesht kërkon arsyetime që të ndryshojë politikën e rritjes së pagave të cilën LSDM e zbatonte vazhdimisht”, thonë nga LSDM.

Nga VMRO-DPMNE me kundërpërgjigje se Qeveria do të jetë partnere e punëtorëve, por megjithatë theksuan se buxheti është në kondicion të keq.

“Kryeministri paralajmëroi angazhime se që në njëqind ditshin e parë do të hapen bisedime me të gjithë palët relevante në lidhje me këtë çështje dhe këto probleme, megjithatë është e rëndësishme që të flasim dhe të jemi të sinqertë se gjendjen të cilën e kemi trashëguar është katastrofë”, theksoi Mile Llefkov, deputet i VMRO-së.

Ndërmarrësit kanë theksuar se nuk ka hapësirë për rritje të tillë të madhe të pagës minimale dhe apeluan që të respektohet ligji aktual dhe metodologjia me të cilën paga minimale harmonizohet me rritjen e shpenzimeve për jetesë dhe rritjen e pagës mesatare.

Nga ana tjetër sindikalistët thanë se paga minimale në Maqedoni është më e ulëta dhe se me të nuk mundësohet jetë dinjitoze për punëtorët dhe presin rritje në njëqind ditshin e parë të Qeverisë së re. Para pak kohësh, ministri për ekonomi dhe punë, Besar Durmishi tha se paga minimale do të jetë tema e parë për të cilën do të bisedojë me sindikatën.