Me rastin e Ditës së Evropës – 9 Maji, delegacioni i BE-së në Maqedoninë e Veriut organizon ngjarje para platosë së Spitalit të Përgjithshëm të Qytetit “8 Shtatori”.
Ngjarja do të fillojë në orën 12:30 me ngritjen e flamujve të Republikës së
Maqedonisë së Veriut dhe Bashkimit Evropian, me çka do të bëhen përkujtohen me heshtje njëminutëshe viktimat nga Kovid-19.
Siç bëri të ditur delegacioni evropian në Shkup, në këtë ceremoni fjalime të tyre do të kenë euroambasadori Samuel Zhbogar dhe kryeministri Oliver Spasovski. Në këtë ngjarje do të marrin pjesë edhe shefi i Diplomacisë Nikolla Dimitrov, ministrja e Mbrojtjes, Radmilla Shekerinska dhe ministri i Shëndetësisë, Venko Filipçe.
Ngjarja do të transmetohet drejtpërdrejtë në kanalin zyrtar të Qeverisë së Maqedonisë së Veriut. Me rastin e Ditës së Evropës, delegacioni i KE-së në Shkup do të mbajë edhe Euroton (Eurothon), program tërëditor onlajn në mediat sociale të Delegacionit të KE-së dhe të Shtëpisë Evropiane.
Programi do të fillojë me intonimin e himnit të BE-së “Oda e gëzimit” në performancë të studentëve të shkollës së muzikës “Piano art” nga Shkupi, pas çka do të vijojnë fjalimet onlajn të euroambasadorit Zhbogar dhe të eurokomisarit për Zgjerim Oliver Varheji.
Eurotoni do të fillojë në orën 11, ndërsa do të përfshijë edhe emetimin e disa debateve të euroambasadorit Zhbogar me nxënës të shkollave të mesme të vendit, prezantimin e programeve të Erasmus dhe aktivitete të tjera.(MIA)
TË FUNDIT
