Klubi i futbollit “Shkupi” ka njoftuar se nga ky ekip do të largohen 8 futbollistë, njofton TV21.
Siç bëhet e ditur, largimi vjen pas përfundimit të kontratës dhe stafi teknik dhe kryesia ka vendosur që të mos ua vazhdojë të njëjtat, por të ndajë rrugët.
Bëhet fjalë për futbollistët i Kristijan Naumovski, Freddy Alvarez, Vladica Brdarovski, Xhelil Abdulla, Melos Bajrami, Besnik Ferati, Pepi Georgiev dhe Stefan Jakimovski.
“Më përfundimin e sezonit të rregullt, 2022/23, një numër i futbollistëve kishin kontratë të përfunduar. Andaj stafi teknik i trajnerëve dhe kryesia pas analizave dhe bisedimeve që u zhvilluan me futbollistët, arritën në përfundim që të ndajnë rrugët.
Fillimisht nga ekipi u largua portieri Kristijan Naumovski dhe Freddy Alvarez, ndërsa pas përfundimit të sezonit si futbollistë të lirë u larguan edhe Vladica Brdarovski, Xhelil Abdulla, Melos Bajrami, Besnik Ferati dhe Pepi Georgiev. Ndërkohë me marrëveshje të dyanshme është shkëputur kontrata me portierin Stefan Jakimovski”, thonë nga “Shkupi”.
Bëjnë të ditur se kanë filluar bisedimet për prurje të reja.
“Skuadra sot nis grumbullimin, ndërsa ka filluar edhe faza e bisedimeve me futbollistë të cilët do të jenë prurjet e reja për sezonin e ri, të cilin do ta nisim me ndeshjet kualifikuese në Ligën e Konferencës”, thuhet në njoftimin e Shkupit./TV21